Hebrewnee 3:1 - Yn Conaant Noa 1810

¹ Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Yn Vible Casherick 1775 1819

¹ Shen-y-fa, vraaraghyn chrauee, paarteeassyn ’syn eam flaunyssagh, cur-jee tastey mie da Yeesey Creest, ostyl as ard-saggyrt nyn gredjue:

Hebrewnee 3:1 ပူးပေါင်းရင်းမြစ်များ

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 20:21

Eisht dooyrt Yeesey roo reesht, Shee dy row hiu; myr ta my Ayr er my choyrt’s, myr shen ta mish coyrt shiuish.

Noo Ean 20:27

Eisht dooyrt eh rish Thomase, Sheeyn ayns shoh dty vair, as loaghtee my laueyn; as sheeyn dty laue, as cur ee stiagh ayns my lhiattee: as ny bee mee‐chredjuagh, agh credjuagh.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Romanee 11:17

As my ta paart jeh ny banglaneyn brisht jeh, as uss veih billey‐olive ny keylley, soit stiagh ny vud oc, as goaill ayrn mâroosyn jeh’n fraue as soo yn villey‐olive;

Romanee 15:27

As ta mee gra dy gooidsave lhieu, as t’ad ayns lhiastynys daue. Son my ta ny Ashoonee er ny ve jeant co‐ayrnee jeh ny nheeghyn spyrrydoil ocsyn, yn currym oc eh myrgeddin dy hirveish orroosyn ayns nheeghyn seihltagh.

Romanee 15:8

Nish ta mee gra, dy row Yeesey Creest ny hirveishagh jeh’n ghiarey‐chymmylt, son firrinys Yee, dy hickyraghey ny gialdynyn va jeant da ny aryraghyn.

Romanee 9:24

Dy‐jarroo shinyn t’eh er n’eam, cha nee jeh ny Hewnyn ny‐lomarcan, agh jeh ny Ashoonee myrgeddin.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

1 Corinthianee 10:17

Son ta shinyn, ga ymmodee, un arran, as un chorp: son ta shin ooilley goaill ayrn jeh’n un arran shen.

1 Corinthianee 9:23

As shoh ta mee jannoo er graih yn tushtal, dy voddin mêriu goaill ayrn jeh’n leagh ta ayns shen giallit.

2 Corinthianee 1:7

As ta treishteil shickyr ain jiuish, toiggal myr ta ayrn eu jeh’n surranse, dy bee eu myrgeddin jeh’n gherjagh.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee]:

Philippianee 3:14

Ta mee chionney gys y vark, son leagh yn eam hug Jee dou veih’n yrjid ayns Creest Yeesey.

Colossianee 1:12

Coyrt booise da’n Ayr, ta er n’yannoo shin cooie dy ghoaill ayrn jeh eiraght ny nooghyn ayns soilshey:

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu‐chyndagh ayns e hilley:

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

1 Thessalonianee 5:27

Ta mee cur currym erriu liorish y Chiarn, dy bee’n screeuyn shoh er ny lhaih da ooilley ny braaraghyn casherick.

2 Thessalonianee 1:11

Shen‐y‐fa ta shin myrgeddin dy kinjagh goaill padjer er nyn son eu, dy gooidsave lesh y Jee ain dy choontey shiu feeu jeh’n eam shoh, as dy chooilleeney ooilley aigney‐mie e vieys, as yn obbyr dy chredjue lesh pooar.

2 Thessalonianee 2:14

Huggey deïe eh erriu liorish y sushtal ainyn, gys cosney gloyr nyn Jiarn Yeesey Creest.

1 Timothy 6:12

Bee dty hidoor dunnal son y chredjue, gow greme er y vea veayn, gys shen t’ou myrgeddin er dty eam, as er n’ghoaill rish credjue mie kiongoyrt rish ymmodee feanishyn.

1 Timothy 6:2

As adsyn ta mainshteryn creestee oc, ny lhig daue soiaghey beg jeu, er‐yn‐oyr dy nee braaraghyn ad: agh lhig daue shirveish ad ny s’arryltee, son dy vel ad jeh’n [un] chredjue, as ayns graih [Yee], goaill ayrn cooidjagh jeh’n bannaght. Ny reddyn shoh ynsee as coyrlee.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

2 Timothy 2:7

Gow dy dowin gys dty chree ny ta mee gra; as dy der y Chiarn tushtey dhyt ayns dy chooilley nhee.

Hebrewnee 10:19

Fakin er‐y‐fa shen, my chaarjyn, dy vel ain reamys dy gholl stiagh gys yn ynnyd smoo casherick liorish fuill Yeesey.

Hebrewnee 10:21

As dy vel ain ard‐saggyrt harrish lught thie Yee;

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

Hebrewnee 2:11

Son ta chammah eshyn ta casherickey, as adsyn ta er nyn gasherickey, ooilley jeh’n un chynney: shen‐y‐fa cha gow eh nearey dy ghoaill roo son braaraghyn.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 3:12

Cur‐jee twoaie, vraaraghyn, nagh bee ayns veg eu drogh chree dy vee‐chredjue, ayns treigeil y Jee bio.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 6:20

Raad ta’n chiaghter hie roïn er n’gholl stiagh er nyn son, dy jarroo Yeesey, jeant ny ard‐saggyrt son dy bragh myr va Melchisedec.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

Hebrewnee 7:28

Son ta’n leigh, jannoo ard‐saggyrtyn jeh deiney giare‐heihllagh; agh ta’n goo dy vreearrey va er‐dyn leigh, jannoo yn Mac [ny ard‐saggyrt] ta er ny chasherickey son dy bragh.

Hebrewnee 9:11

Agh ta Creest er jeet dy ve ny ard‐saggyrt jeh reddyn mie ry‐heet, liorish cabbane‐agglish smoo as s’fondee, cha nee jeant lesh laueyn, ta shen dy ghra, cha nee jeh’n troggal shoh;

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 3:5

Son er yn aght shoh ’sy chenn earish, ren ny mraane crauee myrgeddin, va coyrt nyn dreishteil ayns Jee, ad hene y choamrey, ayns biallys da ny deiney‐poost oc hene.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 18:20

Bee‐jee boggyssagh er‐e‐skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.