Hebrewnee 2:9 - Yn Conaant Noa 1810

⁹ Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

Yn Vible Casherick 1775 1819

⁹ Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

Hebrewnee 2:9 ပူးပေါင်းရင်းမြစ်များ

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 6:28

As cre’n‐fa ta shiu imneagh son coamraghyn? Gow‐jee tastey jeh lilleeyn ny magheragh kys t’ad gaase; cha vel ad tooilleil, chamoo t’ad sneeu.

Noo Mark 9:1

As dooyrt eh roo, Dy firrinagh ta mee gra riu, Dy vel paart jeusyn ta nyn shassoo ayns shoh, nagh jean blashtyn er y baase, derrey vees ad er vakin reeriaght Yee er jeet lesh pooar.

Noo Luke 9:27

Agh ta mee ginsh diu ayns firrinys, dy vel paart nyn shassoo ayns shoh nagh jean blashtyn er y baase, derrey hee ad reeriaght Yee.

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Noo Ean 10:17

Shen‐y‐fa ta my Ayr graihagh orrym’s, er‐yn‐oyr dy vel mee scarrey rish my vioys, dy voddym y ghoaill reesht eh.

Noo Ean 12:32

As my veem’s er my hroggal seose jeh’n thalloo, tayrn‐ym dy chooilley ghooinney hym.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 8:51

Dy firrinagh‐focklagh ta mee gra riu, My ta dooinney freayll my raa’s, cha vaik eh yn baase dy bragh beayn.

Noo Ean 8:52

Eisht dooyrt ny Hewnyn rish, Nish ta fys ain dy vel drogh‐spyrryd aynyd. Ta Abraham marroo as ny phadeyryn; as t’ou uss gra, My ta dooinney freayll my raa’s, cha jean eh blashtyn er y baase dy bragh beayn.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Romanee 5:18

Shen‐y‐fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

2 Corinthianee 5:15

As dy dooar eh baase son ooilley, nagh beagh adsyn ta bio, maghey shoh bio daue hene, agh dasyn hooar baase er nyn son, as dirree reesht.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

Hebrewnee 1:9

T’ou er choyrt graih da cairys, as feoh da mee‐chairys; shen‐y‐fa ta Jee, dy jarroo yn Jee ayd’s, er dty ooillaghey lesh yn ooil dy ghennallys erskyn dy heshaghyn.

Hebrewnee 10:5

Shen‐y‐fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

Hebrewnee 11:5

Liorish credjue va Enoch goit seose gys niau fegooish fakin baase; as cha row eh ry gheddyn, er‐yn‐oyr dy row Jee er ghoaill eh: son roish da v’er ny ghoaill seose v’an feanish shoh echey, dy ren eh Jee y wooiys.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 2:7

Ren oo eh red beg s’inshley na ny ainleyn; t’ou er choamrey eh lesh gloyr as ooashley, as hug oo reill da harrish obbraghyn dty laueyn:

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

Hebrewnee 8:3

Son ta dy chooilley ard‐saggyrt er ny oardaghey dy hebbal giootyn as ourallyn: shen‐y‐fa ve ymmyrchagh dy beagh red ennagh ec y dooinney shoh myrgeddin dy hebbal.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

Ashlish 19:12

As va ny sooillyn echey myr lossey dy aile, as er e chione va ymmodee attaghyn; as va ennym echey scruit nagh row dooinney erbee dy hoiggal agh eh hene:

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;