Hebrewnee 2:3 - Yn Conaant Noa 1810

³ Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Yn Vible Casherick 1775 1819

³ Kys oddys shinyn scapail, my nee mayd mee-rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 2:3 ပူးပေါင်းရင်းမြစ်များ

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey niurin y scapail?

Noo Mian 4:17

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Noo Mark 1:14

Nish erreish da Ean ve currit ayns pryssoon, haink Yeesey gys Galilee, preacheil sushtal reeriaght Yee.

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Noo Luke 1:69

As t’eh er hroggal seose saualtys niartal er nyn son, ayns thie e harvaant David;

Noo Luke 24:19

As dooyrt eh, Cre nyn reddyn? As dooyrt adsyn rish, Mychione Yeesey dy Nazareth, va ny adeyr, as pooaral ayns jannoo as goo, kiongoyrt rish Jee; as ooilley yn pobble:

Noo Ean 15:27

As nee shiuish myrgeddin feanish y ymmyrkey, er‐y‐fa dy vel shiu er ve mârym er‐dyn toshiaght.

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree‐seose‐reesht echey.

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Romanee 11:14

My she shen dy voddym liorish saase erbee greinnaghey adsyn ta m’eill hene, dy heet stiagh gys y chredjue, as paart jeu y hauail.

Romanee 2:3

As vel oo smooinaghtyn shoh, O ghooinney, ta briwnys adsyn ta jannoo lheid ny reddyn, as oo hene cur rish ny reddyn cheddin, dy scaap oo briwnys Yee?

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Thessalonianee 5:3

Son tra jir ad, Shee as sauchys; eisht hig toyrt‐mow orroo doaltattym, myr ta pian cheet er ben tra t’ee er‐troailt; as cha jean ad scapail.

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Hebrewnee 12:25

Jeeagh‐jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn my hyndaa‐ys mayd ersooyl voishyn ta loayrt veih niau:

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

1 Ean 1:1

Shen ny va er‐dyn toshiaght, ny ta shin er chlashtyn, ny ta shin er vakin lesh nyn sooillyn, ny ta shin er yeeaghyn er, as nyn laueyn er loaghtey jeh goo yn vea;

Jude 1:17

Agh, chaarjyn, cooinee‐jee er ny goan va roïe loayrit liorish ostyllyn nyn Jiarn Yeesey Creest:

Ashlish 7:10

As hrog ad seose nyn goraa dy ard, gra, Saualtys gys y Jee ain, ta ny hoie er y stoyl‐reeoil, as gys yn Eayn.