Hebrewnee 2:16 - Yn Conaant Noa 1810

¹⁶ Son dy firrinagh cha ghow eh er dooghys ainleyn; agh ghow eh er dooghys Abraham.

Yn Vible Casherick 1775 1819

¹⁶ Son dy firrinagh cha ghow eh er dooghys ainleyn; agh ghow eh er dooghys Abraham.

Hebrewnee 2:16 ပူးပေါင်းရင်းမြစ်များ

Romanee 2:25

Son dy firrinagh ta giarey‐chymmylt vondeishagh, my t’ou freayll y leigh: agh my t’ou brishey’n leigh, ta dty ghiarey‐chymmylt jeant ny an‐ghiarey‐chymmylt.

Galatianee 3:16

Nish da Abraham as da e luight va ny gialdynyn jeant. Cha vel eh gra, As da sluightyn, myr jeh ymmodee; agh myr jeh unnane, As da dty luight’s, ta shen Creest.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Hebrewnee 12:10

Son ren adsyn dy feer son earish ghiare shin y smaghtaghey, myr honnick ad eh ymmyrchagh; agh eshyn son foays dooin, dy voddagh shin ve goaill ayrn jeh’n chasherickys echey.

Hebrewnee 2:15

As livrey adsyn va trooid aggle y vaaish ooilley laghyn nyn mea fo geuley bondiaght.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 6:16

Son ta deiney dy jarroo loo liorishyn s’ooasle ta: as ta loo, dy niartaghey lesh yn irriney, coyrt dy chooilley streeu gys kione.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.