Hebrewnee 2:11 - Yn Conaant Noa 1810

¹¹ Son ta chammah eshyn ta casherickey, as adsyn ta er nyn gasherickey, ooilley jeh’n un chynney: shen‐y‐fa cha gow eh nearey dy ghoaill roo son braaraghyn.

Yn Vible Casherick 1775 1819

¹¹ Son ta chammah eshyn ta casherickey, as adsyn ta er nyn gasherickey, ooilley jeh’n un chynney: shen-y-fa cha gow eh nearey dy ghoaill roo son braaraghyn.

Hebrewnee 2:11 ပူးပေါင်းရင်းမြစ်များ

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 28:10

Eisht dooyrt Yeesey roo, Ny gow‐jee aggle: immee‐jee, as abbyr‐jee rish my vraaraghyn ad dy gholl gys Galilee, as ayns shen hee ad mee.

Noo Mark 3:34

As yeeagh eh mygeayrt orroosyn va nyn soie mygeayrt‐y‐mysh, as dooyrt eh, Cur‐jee my‐ner my voir as my vraaraghyn.

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 9:26

Son quoi‐erbee ghoys nearey jeem’s, as jeh my ghoan, jehsyn ghoys yn Mac dooinney nearrey tra hig eh ayns e ghloyr hene, as gloyr e Ayrey, as ny ainleyn casherick.

Noo Ean 17:19

As er y graih ocsyn ta mish dy chasherickey mee hene, dy vod adsyn myrgeddin v’er nyn gasherickey gys yn irriney.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Noo Ean 20:17

Dooyrt Yeesey r’ee, ’Ny benn rhym; son cha vel mee foast er gholl seose gys myr Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

Jannoo 17:28

Son aynsyn ta shin bio, as bioyr, as beaghey; myr sheer da paart jeh ny bardoonee eu hene ta gra, Son ta shinyn neesht jeh’n cluight echeysyn.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 10:14

Son liorish un oural t’eh er heyrey adsyn son dy bragh ta er nyn gasherickey:

Hebrewnee 11:16

Agh nish t’ad geearree cheer share, ta shen, cheer flaunyssagh: shen‐y‐fa cha vel Jee mooaraghey dy ve enmyssit yn Jee ocsyn: son t’eh er chiarail ard‐valley er nyn son.

Hebrewnee 13:12

Shen‐y‐fa ren Yeesey myrgeddyn, dy voddagh eh yn pobble y chasherickey lesh e uill hene, surranse cheu‐mooie jeh’n ghiat.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue: