Hebrewnee 13:5 - Yn Conaant Noa 1810

⁵ Lhig da’n ymmyrkey‐bea eu ve fegooish saynt; as bee‐jee booiagh lesh lheid as t’eu: son t’eh er ghra, Cha vaag‐ym, ny cha dreig‐ym oo dy bragh.

Yn Vible Casherick 1775 1819

⁵ Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Hebrewnee 13:5 ပူးပေါင်းရင်းမြစ်များ

Noo Mian 6:19

Ny stoyr‐jee seose berchys diu hene er y thalloo, raad ta’n lhemeen as y mergey cur‐mow, as raad ta maarlee brishey stiagh as geid:

Noo Mian 6:25

Er‐yn‐oyr shoh ta mee gra riu, Ny bee‐jee ro‐imneagh son nyn mea, cre ee‐ys, ny cre iu‐ys shiu: ny foast son nyn girp cre ver shiu miu: Nagh vel y vea ny smoo dy ve soit jeh na’n beaghey, as y corp na’n coamrey?

Noo Mian 6:34

Ny bee‐jee er‐y‐fa shen ayns imnea erbee son y laa mairagh; son tra hig y laa mairagh, hig e chiarail mârish s’lioar da’n laa t’ayn e heaghyn hene.

Noo Mark 7:22

Maarlys, saynt, olkys, molteyrys, rouanys, drogh‐hooill, goan‐mollaghtagh, moyrn, ommijys:

Noo Luke 3:14

As dênee ny sidooryn myrgeddin jeh, gra, As cre ta orrinyn dy yannoo? As dooyrt eh roo, Ny jean‐jee tranlaase er dooinney erbee, ny jean‐jee cassid vreagagh er dooinney erbee, as bee‐jee booiagh lesh nyn vaill.

Noo Luke 8:14

As shen huitt mastey drineyn, yn vooinjer, tra t’ad er chlashtyn, ta goll magh as ta plooghit lesh kiarail as berchys, as eunyssyn y vea shoh, as cha vel ad gymmyrkey magh mess gys lhieeney vie.

Romanee 1:29

Laadit lesh dy chooilley neu‐ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh‐yannoo; scammyltee cooylchlea,

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh ny ny hranlaasagh, marish lhied y fer wheesh as gyn dy ghoaill bee.

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

2 Corinthianee 4:9

Tranlaasit, agh cha nee treigit; tilgit sheese, agh cha nee er nyn stroie;

Ephesianee 5:3

Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn:

Ephesianee 5:5

Son shoh ta fys eu er, nagh vel ec maarderagh erbee, ny persoon neu‐ghlen, ny ec dooinney sayntoilagh, ta coyrt ammys da jallooyn, eiraght eddyr ayns reeriaght Chreest as Yee.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

2 Peddyr 2:14

Lesh sooillyn soit er brishey‐poosey, as nagh vod scuirr veih peccah; molley anmeenyn lhag‐chredjuagh: creeaghyn t’oc, cliaghtit er obbraghyn sayntoilagh; cloan ny mollaght:

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Jude 1:11

Smerg daue; son t’ad er n’immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree‐magh Core.