Hebrewnee 13:22 - Yn Conaant Noa 1810

²² As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

Yn Vible Casherick 1775 1819

²² As ta mee guee erriu, vraaraghyn, gow-jee rish y goo dy choyrle, son ta mee er scrieu hiu ayns focklyn giarey.

Hebrewnee 13:22 ပူးပေါင်းရင်းမြစ်များ

Jannoo 13:15

As lurg lhaih yn leigh as ny phadeyryn, hug fir‐reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr‐jee eh.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee‐jee coardit rish Jee.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Galatianee 6:11

Ta shiu fakin cre’n screeuyn liauyr ta mee er scrieu hiuish lesh my laue hene.

Ephesianee 3:3

Kys liorish ashlish ren eh soilshaghey dooys yn folliaght (myr scrieu mee roïe ayns focklyn giarey.

Hebrewnee 12:5

As ta shiu er yarrood yn raaue ta loayrt riu myr rish cloan, My vac, ny soie uss beg jeh smaght y Chiarn, chamoo lhig dty chree voïd tra t’eh coyrt seaghyn dty raad.

Hebrewnee 13:19

Agh ta mee guee erriu ny s’jeean dy yannoo shoh, dy voddym shiu y akin ny sleaïe.

Hebrewnee 2:1

Shen‐y‐fa lhisagh shin tastey s’geyrey ’choyrt da ny reddyn ta shin er chlashtyn, er‐aggle ec traa erbee dy jinnagh shin ad y yarrood.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 4:1

Lhig dooin er‐y‐fa shen aggle y ghoaill, erreish da gialdyn ve faagit dooin dy gholl stiagh ’syn ea echey, dy darragh veg jiu giare jeh.

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.