Hebrewnee 13:16 - Yn Conaant Noa 1810

¹⁶ Agh dy yannoo mie, as dy rheynn [er ny boghtyn], ny jarrood‐jee: son lesh lheid ny ourallyn ta Jee er ny yannoo booiagh.

Yn Vible Casherick 1775 1819

¹⁶ Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 13:16 ပူးပေါင်းရင်းမြစ်များ

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

Romanee 12:13

Rheynn gys ymmyrch ny nooghyn ; arryltagh dy choyrt oltaghey‐bea da troailtee.

Galatianee 6:10

Myr ta caa ain er‐y‐fa shen, lhig dooin mie ’yannoo da dy chooilley ghooinney, er‐lheh dauesyn ta jeh lught‐thie’n chredjue.

Galatianee 6:6

Lhig dasyn t’er ny ynsaghey ayns y goo, shirveish ersyn ta gynsaghey jeh dy chooilley nhee mie [t’echey.]

Ephesianee 4:28

Lhig dasyn ren geid, gyn geid arragh; agh ny sleaie lhig da laboragh, gobbraghey lesh e laueyn shen ny ta mie, dy vod ve echey dy choyrt da’n ymmyrchagh.

Philippianee 4:14

Ny‐yeih, ta shiu er n’yannoo dy mie, dy ren shiu feaysley orrym ayns my heaghyn.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

Philemon 1:6

Dy vod yn ayrn t’ayd’s mârin ’sy chredjue cadjin ve breeoil, gys goaill‐rish dy chooilley, nhee mie, ta nyn mast’ eu ayns Creest Yeesey.

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.