Hebrewnee 13:1 - Yn Conaant Noa 1810

¹ Lhig da graih braaragh tannaghtyn.

Yn Vible Casherick 1775 1819

¹ Lhig da graih braaragh tannaghtyn.

Hebrewnee 13:1 ပူးပေါင်းရင်းမြစ်များ

Noo Ean 15:17

Ny reddyn shoh ta mish dy harey diu, dy vod shiu ve graihagh yn derrey yeh er y jeh elley.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 4:32

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by‐lesh hene va nhee erbee jeh e chooid‐seihlt, agh va dy chooilley nhee oc ayns co‐pharteeys cadjin.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Ephesianee 4:3

Imneagh dy reayll unnaneys y Spyrryd ayns y kiangley dy hee.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

Hebrewnee 10:24

As lhig dooin smooinaghtyn dy dowin ry‐cheilley, dy ghreinnaghey gys graih, as gys obbraghyn mie:

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:17

Cur‐jee onnor da dy chooilley ghooinney. Bee‐jee graihagh er ny braaraghyn [creestee]. Gow‐jee aggle roish Jee. Cur jee onnor da’n ree.

1 Peddyr 3:8

Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie:

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

2 Peddyr 1:7

As gys craueeaght, kenjallys braaragh; as gys kenjallys braaragh, graih.

1 Ean 3:23

As shoh yn sarey echey, Dy jean mayd credjal ayns ennym e Vac Yeesey Creest, as graih y choyrt yn derrey yeh da’n jeh elley, myr t’eh er choyrt sarey dooin.

1 Ean 4:20

My ta dooinney gra, Ta graih aym er Jee, as dwoaie echey er e vraar, t’eh ny vreagerey: son eshyn nagh nhynney lesh e vraar t’eh er vakin, kys oddys eh graih y choyrt da Jee nagh vel eh er vakin?

Ashlish 2:4

Ny‐yeih ta red ennagh aym dt’oï, er‐yn‐oyr dy vel oo er hreigeil dty chied ghraih.