Hebrewnee 12:3 - Yn Conaant Noa 1810

³ Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.

Yn Vible Casherick 1775 1819

³ Son smooinee-jee ersyn ren gymmyrkey lheid ny oltooanyn veih peccee n’oï hene, er-aggle dy jean shiu lhaggaghey er y raad, as coayl nyn gree.

Hebrewnee 12:3 ပူးပေါင်းရင်းမြစ်များ

Noo Mian 11:19

Haink Mac yn dooinney gee as giu, as t’ad gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 12:24

Agh tra cheayll ny Phariseeyn shoh dooyrt ad, Cha vel eh shoh castey drogh‐spyrrydyn, agh liorish Beelzebub prince ny drogh‐spyrrydyn.

Noo Mian 15:2

Cre’n‐fa ta dty’ ostyllyn brishey oardaghyn y chanstyr? son cha vel ad niee nyn laueyn ec goaill beaghey.

Noo Mian 21:23

As tra ve’h er jeet stiagh ayns y chiamble, haink ny ard‐saggyrtyn as shanstyr yn phobble huggey myr v’eh gynsaghey, gra, Cre’n phooar t’ayd’s dy yannoo ny reddyn shoh? as quoi hug yn phooar shoh dhyt?

Noo Mian 21:46

Agh tra v’ad shleeuit er goaill eh, v’ad ayns aggle roish y pobble, er‐yn‐oyr dy row ad jeeaghyn er dy ve ny adeyr.

Noo Mian 22:15

Eisht hie ny Phariseeyn, as hug ad nyn goyrle dy cheilley, kys dy ghoaill vondeish er ayns e ghoan.

Noo Luke 14:1

As haink eh gy‐kione tra v’eh er gholl stiagh ayas thie fer jeh ny ard Phariseeyn dy ee arran er y doonaght, dy row sooill oc er.

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 2:34

As vannee Simeon ad, as dooyrt eh rish Moirrey e voir, Cur‐my‐ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 5:21

As ren ny scrudeyryn as ny Phariseeyn toshiaght dy phleadeil ry‐cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny lomarcan?

Noo Ean 10:20

As dooyrt ymmodee jeu, Ta drogh‐spyrryd ayn, as t’eh ass e cheeayl; cre’n‐fa ta shiu geaishtagh rish?

Noo Ean 18:22

As tra v’eh erreish ny goan shoh y loayrt, woaill fer jeh ny fir‐oik va ny hassoo ayns shen Yeesey lesh bass e laue, gra, Nee shen myr t’ou freggyrt yn ard‐saggyrt?

Noo Ean 5:16

As er‐yn‐oyr shen ren ny Hewnyn tranlaase er Yeesey, as v’ad shirrey eh y choyrt gy‐baase, er‐y‐fa dy row eh er n’yannoo ny reddyn shoh er laa yn doonaght.

Noo Ean 7:12

As va lane argane mastey yn pobble mychione echey: son va paart gra, She dooinney mie eh: as feallagh elley gra, Cha nee; agh t’eh molley yn pobble.

Noo Ean 8:13

Dooyrt ny Phariseeyn er‐y‐fa shen rish, T’ou gymmyrkey feanish jeed hene; cha vel dty eanish firrinagh.

Noo Ean 8:52

Eisht dooyrt ny Hewnyn rish, Nish ta fys ain dy vel drogh‐spyrryd aynyd. Ta Abraham marroo as ny phadeyryn; as t’ou uss gra, My ta dooinney freayll my raa’s, cha jean eh blashtyn er y baase dy bragh beayn.

Noo Ean 8:59

Eisht hrog ad claghyn dy cheau er: agh cheill Yeesey eh hene voue, as hie eh magh ass y chiamble, goll trooid y cheeid oc, as myr shen hie eh shaghey.

Noo Ean 9:40

As cheayll paart jeh ny Phariseeyn va mârish ny goan shoh as dooyrt ad rish, Vel shinyn doal neesht?

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 12:5

As ta shiu er yarrood yn raaue ta loayrt riu myr rish cloan, My vac, ny soie uss beg jeh smaght y Chiarn, chamoo lhig dty chree voïd tra t’eh coyrt seaghyn dty raad.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh‐hene y hymney huggeysyn ta briwnys dy cairagh:

Ashlish 2:3

As t’ou er n’ymmyrkey yn errey, as ta ayd meenid, as er graih my ennym t’ou er hooilleil, as cha vel oo er choayl dty chree.