Hebrewnee 12:2 - Yn Conaant Noa 1810

² Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Yn Vible Casherick 1775 1819

² Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl-reeoil Yee.

Hebrewnee 12:2 ပူးပေါင်းရင်းမြစ်များ

Noo Mian 16:21

Veih yn traa shen magh ren Yeesey toshaight dy hoilshaghey da e ostyllyn, kys dy beign da goll seose gys Jerusalem, as goll fo mooraane surranse veih’n chanstyr, as ny ard‐saggyrtyn, as ny scrudeyryn, as dy beagh eh er ny choyrt gy‐baase, agh dy n’irragh eh reesht er y trass laa.

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mark 14:36

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Noo Mark 15:28

As shoh myr va’n scriptyr cooilleenit, ta dy ghra, As v’eh er ny earroo marish ny drogh‐yantee.

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Mark 9:12

As dreggyr eshyn as dinsh eh daue, Dy row Elias dy firrinagh dy heet hoshaight, as dy lhiassaghey dy chooilley nhee, as kys te scruit mychione Mac y dooinney dy nhegin da goll trooid mooarane surranse, as beg dy ve soit jeh.

Noo Mark 9:24

As chelleeragh deïe ayr y lhiennoo, as dooyrt eh lesh jeir, Hiarn, ta mee credjal; niartee lesh my chredjue faase.

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Noo Luke 23:11

As ren Herod as e gheiney‐caggee beg y hoiaghey jeh, as chraid ad mysh, as choamree ad eh lesh coamrey moyrnagh, as hug ad eh reesht gys Pilate.

Noo Luke 24:26

Nagh beign da Creest ny reddyn shoh y hurranse as goll stiagh ayns e ghloyr?

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Noo Ean 12:24

Dy firrinagh firrinagh ta mee gra riu, Mannagh vel y grine curnaght tuittym ayns y thalloo, as goll eig, te cummal ny un ghrine kinjagh: agh my te goll eig: te gymmyrkey magh mooarane mess.

Noo Ean 12:32

As my veem’s er my hroggal seose jeh’n thalloo, tayrn‐ym dy chooilley ghooinney hym.

Noo Ean 13:3

Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 6:40

As shoh yn aigney echeysyn ta er my choyrt, dy chooilley unnane ta fakin y Mac as credjal ayn, yn vea dy bragh farraghtyn dy ve echey: as trog‐yms seose eh ec y laa jerrinagh.

Noo Ean 8:56

Ghow yn ayr eu Abraham foddiaght dy akin yn laa aym’s: as honnick eh eh, as ghow eh boggey.

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 3:15

As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

1 Corinthianee 1:18

Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

Ephesianee 2:16

As dy voddagh eh ad ny‐neesht y hayrn gys shee rish Jee ayns un chorp liorish y chrosh, liorish shoh stroie yn noidys:

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Philippianee 1:6

Myr ta shickyrys aym jeh’n eer red shoh, dy der eshyn ta er chur obbyr vie er y hoshiaght ny‐vud eu, mullagh er derrey laa Yeesey Creest:

Philippianee 3:20

Son ta cairys cummaltee ain ayns niau, veih ta shin myrgeddin jeaghyn son yn Saualtagh, yn Chiarn Yeesey Creest:

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 1:13

Agh rish quoi jeh ny ainleyn dooyrt eh ec traa erbee, Soie er my laue yesh, derrey nee’m dty noidyn y yannoo stoyl dty choshey?

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 10:14

Son liorish un oural t’eh er heyrey adsyn son dy bragh ta er nyn gasherickey:

Hebrewnee 10:33

Ayns ayrn tra va shiu soit magh son shilley dy ghannidys daue, chammah liorish oltooanyn as seaghyn; as ayns ayrn tra va shiu nyn sheshee dauesyn hurr y dellal cheddin.

Hebrewnee 11:36

As va feallagh elley er nyn browal lesh craid dewil, as scuitchal, dy jarroo myrgeddin lesh geulaghyn as pryssooney.

Hebrewnee 12:3

Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.

Hebrewnee 13:13

Lhig dooin er‐y‐fa shen goll magh huggeysyn cheu‐mooie jeh’n champ, gymmyrkey yn scammylt echey.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er‐gerrey gys Jee.

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Jamys 2:1

My vraaraghyn, ny lhig da credjue nyn Jiarn gloyroil Yeesey Creest ve eu, jannoo soiagh jeh persoonyn deiney.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

Jude 1:21

Freill‐jee shiu hene ayns graih Yee, jerkal rish myghin nyn Jiarn Yeesey Creest gys bea dy bragh farraghtyn.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue‐yesh orrym, gra rhym, Ny bee aggle ort; Mish y chied er as y fer s’jerree.

Ashlish 1:8

Mish Alpha as Omega, yn toshiaght as y jerrey, ta’n Chiarn dy ghra, ta, as va, as ta dy heet, yn Ooilley‐niartal.

Ashlish 2:8

As gys ainle agglish Smyrna, scrieu, Ny reddyn shoh ta’n chied er as y fer s’jerree dy ghra, va marroo, as ta bio;