Hebrewnee 11:6 - Yn Conaant Noa 1810

⁶ Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Yn Vible Casherick 1775 1819

⁶ Agh fegooish credjue te neu-phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imneagh shirrey huggey.

Hebrewnee 11:6 ပူးပေါင်းရင်းမြစ်များ

Noo Mian 11:26

Shen dy jarroo myr te, Ayr, son shen myr ve mie ayns dty hilley’s.

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Mian 6:16

As tra vees shiu trostey, ny bee‐jee groymagh myr ny crauee‐oalsey, son t’adsyn caghlaa cummey nyn eddin, er‐chee deiney dy chur tastey da’n trostey oc. Ta mee shickyrys diu, dy nee shoh [ooilley] nyn leagh.

Noo Mian 6:33

Agh shir‐jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Mark 16:17

As eiyree ny cowraghyn shoh orroosyn ta credjal; Ayns my ennym’s nee ad drogh‐spyrrydyn y chastey, loayree ad lesh chengaghyn noa,

Noo Luke 12:31

Agh shir‐jee hoshiaght reeriaght Yee, as bee shiu jeant magh lesh ooilley ny reddyn shoh.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 8:24

Dooyrt mee er‐y‐fa shen riu, dy voghe shiu baase ayns nyn beccaghyn: son mannagh vel shiu credjal dy nee mish eh yiow shiu baase ayns nyn beccaghyn.

Romanee 10:14

Kys eisht nee ad geamagh ersyn, nagh vel ad er chredjal ayn? As kys nee ad credjal aynsyn, nagh vel ad er chlashtyn jeh? As kys nee ad clashtyn fegooish preachoor?

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Hebrewnee 3:12

Cur‐jee twoaie, vraaraghyn, nagh bee ayns veg eu drogh chree dy vee‐chredjue, ayns treigeil y Jee bio.

Hebrewnee 4:2

Son dooinyn va’n sushtal er ny phreacheil chammah as dauesyn: agh cha row yn goo v’er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

Hebrewnee 4:6

Fakin eisht dy nee shoh myr te dy nhegin da paart goll stiagh, as nagh ren adsyn dane va’n sushtal hoshiaght er ny phreacheil, goll stiagh ayn kyndagh rish mee‐chredjue:

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er‐gerrey gys Jee.

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

2 Peddyr 1:5

As marish shoh, lesh slane imnea, cur‐jee gys nyn gredjue, dunnallys; as gys dunnallys, tushtey;

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.