Hebrewnee 11:32 - Yn Conaant Noa 1810

³² As cre jir‐ym ny sodjey? son yinnagh y traa failleil mee dy insh mychione Gideon, as Barak, as Samson, as Jephthae, mychione David myrgeddin as Samuel, as mychione ny phadeyryn:

Yn Vible Casherick 1775 1819

³² As cre jir-ym ny sodjey? son yinnagh y traa failleil mee dy insh mychione Gideon, as Barak, as Samson, as Jephthae, mychione David myrgeddin as Samuel, as mychione ny phadeyryn:

Hebrewnee 11:32 ပူးပေါင်းရင်းမြစ်များ

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 13:28

Shen‐y‐raad vees keayney as snaggeraght feeacklyn, tra hee shiu Abraham, as Isaac as Jacob as ooilley ny phadeyryn ayns reeriaght Yee, as shiu hene er nyn yiooldey magh.

Noo Luke 16:31

As dooyrt eh rish, Mannagh der ad geill da Moses as ny phadeyryn, cha greidjagh ad, ga dy n’irragh fer veih ny merriu.

Noo Ean 21:25

As ta myrgeddin ymmodee reddyn elley ren Yeesey, by beagh ad ooilley scruit, ta mee dy heiltyn nagh gummagh y seihll hene ny lioaryn veagh scruit. Amen.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi‐erbee chred‐jys ayn, dy vow eh feaysley peccaghyn.

Jannoo 13:20

As ny lurg shen hug eh daue briwnyn, mysh kiare cheead as jeih bleeaney as da‐eed, derrey Samuel yn phadeyr.

Jannoo 3:24

As ta myrgeddin ooilley ny phadeyryn veih Samuel, dy jarroo whilleen as haink ny yeï, as ren phadeyrys, er n’insh ro‐laue jeh ny laghyn shoh.

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Romanee 4:1

Cre jir mayd eisht dy vel Abraham nyn Ayr er chosney liorish leigh ny foalley?

Romanee 6:1

Cre jir mayd eisht? jean mayd tannaghtyn ayns peccah, dy vod grayse bishaghey?

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er‐be dy dooyrt y leigh, Cha der oo saynt.

Jamys 5:10

My vraaraghyn, gow‐jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.

2 Peddyr 1:21

Son cha daink phadeyrys ’sy chenn traa liorish aigney dooinney: agh loayr deiney crauee Yee myr v’ad er nyn leeideil liorish y Spyrryd Noo.

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh: