Hebrewnee 11:26 - Yn Conaant Noa 1810

²⁶ Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Yn Vible Casherick 1775 1819

²⁶ Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Hebrewnee 11:26 ပူးပေါင်းရင်းမြစ်များ

Noo Mian 10:41

Eshyn ta cur oltaghey‐bea da phadeyr ayns ennym phadeyr, yiow eh leagh phadeyr; as eshyn ta cur oltaghey‐bea da doinney cairagh ayns ennym dooinney cairagh, yiow eh leagh dooinney cairagh.

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Luke 14:14

As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

2 Corinthianee 12:10

Shen‐y‐fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Philippianee 3:7

Agh ny reddyn shen va cosney dooys, ad shen choont mee coayl er graih Chreest.

Hebrewnee 10:33

Ayns ayrn tra va shiu soit magh son shilley dy ghannidys daue, chammah liorish oltooanyn as seaghyn; as ayns ayrn tra va shiu nyn sheshee dauesyn hurr y dellal cheddin.

Hebrewnee 10:35

Ny lhig‐jee veue, er‐y‐fa shen, yn dunnallys eu, ny gour ta leagh mooar dy chooilleeney.

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Hebrewnee 13:13

Lhig dooin er‐y‐fa shen goll magh huggeysyn cheu‐mooie jeh’n champ, gymmyrkey yn scammylt echey.

Hebrewnee 2:2

Son my va’n goo loayrit liorish ainleyn jeant shickyr, as my hooar dy chooilley pheccah as mee‐viallys yn leagh cooie dy cherraghey;

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooillaghey lesh shelliu‐sooilley, dy vod oo fakin.