Hebrewnee 11:25 - Yn Conaant Noa 1810

²⁵ Goaill myr reih dy hurranse seaghyn marish pobble Yee, na dy ghoaill soylley jeh eunys peccah son earish;

Yn Vible Casherick 1775 1819

²⁵ Goaill myr reih dy hurranse seaghyn marish pobble Yee, na dy ghoaill soylley jeh eunys peccah son earish;

Hebrewnee 11:25 ပူးပေါင်းရင်းမြစ်များ

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Ashlish 18:7

Corrym rish y stayd mooaralagh t’ee er ghoaill urree, as er veaghey ayns rouanys, yn corrymid cheddin dy cherraghey as dy heaghyn cur‐jee urree: son t’ee gra ayns e cree, Ta mee my hoie my ven‐reïn, as cha nee ben‐treoghe mee, as cha jig trimshey erbee my raad.

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.

Jamys 5:5

Ta shiu er veaghey ayns soailid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.

Jamys 1:20

Son cha vel corree dooinney gobbraghey cairys Yee.

Hebrewnee 11:37

V’ad er nyn glaghey, v’ad giarit veih‐my‐cheilley lesh saaueyn, v’ad miolit, v’ad er nyn goyrt dy baase lesh y chliwe: hie ad noon as noal ayns craitnyn keyrragh, as craitnyn goaïr, ayns êgin, ayns seaghyn, as torchaghyn:

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 4:9

Ta laa dy ea er‐y‐fa shen cour pobble Yee.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

Romanee 5:3

As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Mian 13:21

Foast cha vel fraue echey ayn hene, agh t’eh cummal rish son tammylt: agh tra ta seaghyn as tranlaase cheet er, er coontey yn ghoo chelleeragh ta e chredjue failleil.

Jannoo 7:34

Ta mee er vakin, ta mee er vakin seaghyn my phobble t’ayns Egypt, as er chlashtyn ny osnaghyn oc, as ta mee er jeet neose dy livrey ad. As nish tar royd, ver‐yms uss er chaghteraght gys Egypt.