Hebrewnee 11:16 - Yn Conaant Noa 1810

¹⁶ Agh nish t’ad geearree cheer share, ta shen, cheer flaunyssagh: shen‐y‐fa cha vel Jee mooaraghey dy ve enmyssit yn Jee ocsyn: son t’eh er chiarail ard‐valley er nyn son.

Yn Vible Casherick 1775 1819

¹⁶ Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Hebrewnee 11:16 ပူးပေါင်းရင်းမြစ်များ

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mark 12:26

As mychione ny merriu, dy nirree ad; nagh vel shiu er lhaih ayns lioar Voses, kys loayr Jee rish ass y thammag, gra, Mish Jee Abraham, as Jee Isaac, as Jee Yacob?

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 12:32

Ny gow‐jee aggle my hioltane veg; son she aigney‐mie nyn Ayr eh; dy chur diuish yn reeriaght.

Noo Luke 20:37

Nish dy n’irree ny merriu, hoilshee Moses hene ec y thammag, tra t’eh genmys y Chiarn, Jee Abraham, as Jee Isaac, as Jee Yacob.

Noo Ean 14:2

Ayns thie my Ayrey ta ymmodee ynnydyn vaghee; dy beagh eh er aght elley, veign er n’insh diu: ta mee goll dy yannoo aarloo ynnyd er nyn son.

Jannoo 7:32

Gra, Mish Jee dty ayraghyn, Jee Abraham, as Jee Isaac, as Jee Yacob. Eisht va Moses er‐creau, as cha by‐lhoys da jeeaghyn.

Philippianee 3:20

Son ta cairys cummaltee ain ayns niau, veih ta shin myrgeddin jeaghyn son yn Saualtagh, yn Chiarn Yeesey Creest:

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

Hebrewnee 11:10

Son v’eh jerkal rish ard‐valley er undinyn [shickyr], jeant as troggit liorish Jee.

Hebrewnee 11:14

Son t’adsyn ta gra lheid ny reddyn, soilshaghey dy plain dy vel ad jeeaghyn son cheer [elley.]

Hebrewnee 11:40

Jee kiarail foayr syrjey er nyn son, nagh voghe adsyn fegooish shinyn yn slane bannaght dy haualtys.

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Hebrewnee 13:14

Son ayns shoh cha vel ain ard‐valley shickyr, agh ta skin jerkal rish ta ry‐heet.

Hebrewnee 2:11

Son ta chammah eshyn ta casherickey, as adsyn ta er nyn gasherickey, ooilley jeh’n un chynney: shen‐y‐fa cha gow eh nearey dy ghoaill roo son braaraghyn.

Ashlish 21:2

As honnick mish Ean yn ard‐valley casherick, yn Jerusalem noa, cheet neose veih Jee ass niau, soit magh myr ben‐phoosee coamrit son e sheshey.