Hebrewnee 11:13 - Yn Conaant Noa 1810

¹³ Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Yn Vible Casherick 1775 1819

¹³ Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Hebrewnee 11:13 ပူးပေါင်းရင်းမြစ်များ

Noo Mian 13:17

Son dy firrinagh ta mee gra riu, dy vel ymmodee phadeyryn as deiney cairagh er ve aignagh dy akin ny reddyn ta shiuish dy akin, agh cha vel ad er vakin ad: as dy chlashtyn ny reddyn ta shiuish dy chlashtyn, agh cha vel ad er chlashtyn ad.

Noo Ean 12:41

Ny reddyn shoh loayr Esaias, tra honnick eh e ghloyr as loayr eh jeh.

Noo Ean 8:56

Ghow yn ayr eu Abraham foddiaght dy akin yn laa aym’s: as honnick eh eh, as ghow eh boggey.

Romanee 4:21

Ayns slane treishteil, cre‐erbee v’eh er ghialdyn, dy row eh abyl myrgeddin dy chooilleeney.

Romanee 8:24

Son ta shin er nyn sauail lïorish treishteil: agh y treishteil ta er ny akin, cha nee treishteil eh: son cre’n‐fa ta dooinney foast jerkal rish shen t’eh fakin.

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

2 Corinthianee 5:6

Myr shen ta shin dy kinjagh ayns cree, toiggal choud as ta shin ec y thie ayns y chorp, ta shin mooie veih’n Chiarn:

Ephesianee 2:19

Cha vel shin nish er‐y‐fa shen ny sodjey nyn yoarreeyn as jeh cheer whaagh, agh sheshey‐cummaltee marish ny nooghyn, as jeh lught‐thie Yee;

Hebrewnee 11:14

Son t’adsyn ta gra lheid ny reddyn, soilshaghey dy plain dy vel ad jeeaghyn son cheer [elley.]

Hebrewnee 11:17

Liorish credjue ren Abraham tra v’eh er ny phrowal, chebbal seose Isaac: as ren eshyn hooar ny gialdynyn e ynrycan er‐ny‐gheddyn mac y hebbal seose:

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.

Hebrewnee 11:39

As ga dy dooar ad shoh ooilley goo mie trooid credjue, ny‐yeih cha daink ad gys cooilleen yn ghialdynys:

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

1 Ean 3:19

As liorish shoh ta fys ain er dy vel shin jeh’n irriney, as bee shickyrys ec nyn greeaghyn kiongoyrt rish,