Hebrewnee 11:1 - Yn Conaant Noa 1810

¹ Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry akin.

Yn Vible Casherick 1775 1819

¹ Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry-akin.

Hebrewnee 11:1 ပူးပေါင်းရင်းမြစ်များ

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

2 Corinthianee 11:17

Shen ny ta mee dy loayrt, cha vel mee dy loayrt eh lurg y Chiarn, agh myr veagh eh dy ommijagh ayns y daanys shoh dy voggyssagh.

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

2 Corinthianee 5:7

(Son ta shin gimmeeaght liorish credjue, cha nee liorish shilley sooilley.)

2 Corinthianee 9:4

Er‐aggle my hig adsyn jeh Macedonia mârym, as shiuish y gheddyn ergooyl dy beagh shinyn (cha nee dy ghra shiuish) naarit son y voggyssagh daaney shoh.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill‐rish yn irriney, ta cordail rish craueeaght:

Hebrewnee 10:22

Lhig dooin tayrn er‐gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Hebrewnee 10:39

Agh cha vel shin jeh nyn lheid ta tayrn back gys y toyrt‐mow oc hene; agh jeusyn ta credjal, gys saualtys anmey.

Hebrewnee 11:13

Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry‐akin, greinnit lesh aggle, ren eh arg y hroggal dy hauail e lught‐thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 6:12

Nagh bee shiu lhag‐chreeagh, agh eiyrtyssee orroosyn, ta trooid credjue as meenid er chosney ny gialdynyn.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest: