Hebrewnee 10:5 - Yn Conaant Noa 1810

⁵ Shen‐y‐fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

Yn Vible Casherick 1775 1819

⁵ Shen-y-fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

Hebrewnee 10:5 ပူးပေါင်းရင်းမြစ်များ

Noo Mian 11:3

Dy ghra rish, Nee uss eh va dy heet, ny vel shin dy yeeaghyn son fer elley?

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er‐syrjey er ny skeayley harryd: shen‐y‐fa bee yn sluight chasherick shen ver oo son y theihll, enmyssit Mac Yee.

Noo Luke 7:19

As deïe Ean er jees jeh e ynseydee, as hug eh ad er chaghteraght gys Yeesey, gra, Nee uss Eh va ry‐hoi cheet, ny vel shin dy yeeaghyn son fer elley?

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 1:6

As reesht, tra t’eh coyrt lesh yn chied‐er‐ny‐gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 10:7

Eisht dooyrt mee, Cur‐my‐ner, ta mee cheet (ayns toshiaght y lioar te scruit jeem’s) dy yannoo dty aigney’s, O Yee.

Hebrewnee 10:8

Roïe, tra dooyrt eh, Oural as chebbal, as chebballyn‐losht as chebbal son peccah cha baïlt’s, chamoo va taitnys ayd’s ayndoo, (ta chebbit liorish y leigh;)

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 5:7

Ayns laghyn e ghooghys‐foalley, tra v’eh er hebbal padjeryn as aghinyn, lesh eam jeean as jeir, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Hebrewnee 8:3

Son ta dy chooilley ard‐saggyrt er ny oardaghey dy hebbal giootyn as ourallyn: shen‐y‐fa ve ymmyrchagh dy beagh red ennagh ec y dooinney shoh myrgeddin dy hebbal.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.