Hebrewnee 10:34 - Yn Conaant Noa 1810

³⁴ Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

Yn Vible Casherick 1775 1819

³⁴ Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

Hebrewnee 10:34 ပူးပေါင်းရင်းမြစ်များ

Noo Mian 19:21

Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Noo Luke 10:42

Agh un red ta ymmyrchagh. As ta Moirrey er reih yn ayrn vie shen, nagh bee er ny ghoaill ersooyl vo’ee.

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Noo Luke 9:25

Son cre’n vondeish t’ec dooinney, my chosnys eh yn seihll ooilley, as eh hene dy ve caillit, ny ceaut ersooyl?

Jannoo 21:33

Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 28:20

Er‐yn‐oyr shoh eisht ta mee er chur fys erriuish, dy akin shiu, as dy loayrt riu: er‐y‐fa son treishteil Israel dy vel mee kianlt lesh y gheuley shoh.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd‐vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

Ephesianee 3:1

Son yn oyr shoh, ta mish Paul, pryssoonagh Yeesey Creest er y choontey euish Ashoonyn‐quaagh;

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 6:20

Er y choontey echey ta mee my haghter ayns geulaghyn: er y hon dy voddym loayrt dy dunnal, myr lhisin loayrt.

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

2 Timothy 1:16

Dy der y Chiarn myghin da lught‐thie Onesiphorus; son ren eh dy mennick m’y ooraghey, as cha row nearey er jeh my gheuley.

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 11:16

Agh nish t’ad geearree cheer share, ta shen, cheer flaunyssagh: shen‐y‐fa cha vel Jee mooaraghey dy ve enmyssit yn Jee ocsyn: son t’eh er chiarail ard‐valley er nyn son.

Hebrewnee 13:14

Son ayns shoh cha vel ain ard‐valley shickyr, agh ta skin jerkal rish ta ry‐heet.

Hebrewnee 13:3

Cooinee‐jee orroosyn t’ayns geulaghyn, myr ayns geulaghyn mâroo; as orroosyn t’ayns seaghyn, myr ta shin hene myrgeddin ’sy challin.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.