Hebrewnee 10:23 - Yn Conaant Noa 1810

²³ Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Yn Vible Casherick 1775 1819

²³ Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 10:23 ပူးပေါင်းရင်းမြစ်များ

1 Corinthianee 1:9

Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

1 Thessalonianee 5:24

Firrinagh t’eshyn ta geamagh errriu, nee myrgeddin shen y chooilleeney.

2 Thessalonianee 3:3

Agh ta’n Chiarn firrinagh, nee shiuish y niartaghey, as y reayll veih olk.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 11:11

Trooid credjue hooar Sara ee hene niart dy ghientyn, as ren ee lhiannoo y ymmyrkey lurg y traa cooie, er‐yn‐oyr dy row ee jeeaghyn ersyn dy ve firrinagh va er ghialdyn.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 6:18

Liorish daa red gyn‐caghlaa, ayndoo ve neu‐phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Jamys 1:6

Agh lhig da geearree ayns credjue, fegooish lheaystey; son t’eshyn ta lheaystey [’sy chredjue] goll‐rish tonn ny marrey, immanit lesh y gheay noon as noal.

Ashlish 3:11

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.