Hebrewnee 1:6 - Yn Conaant Noa 1810

⁶ As reesht, tra t’eh coyrt lesh yn chied‐er‐ny‐gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Yn Vible Casherick 1775 1819

⁶ As reesht, tra t’eh coyrt lesh yn chied-er-ny-gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Hebrewnee 1:6 ပူးပေါင်းရင်းမြစ်များ

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:18

Cha vel unnane erbee er vakin Jee ec traa erbee; yn ynrican Mac v’er‐ny‐gheddyn, ta ayns oghrish yn Ayr, eshyn t’er hoilshaghey eh.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

Colossianee 1:15

Eshyn ta co‐chaslys yn Jee nagh vod ve er ny akin, yn chied‐er‐ny‐gheddyn jeh dy chooilley chretoor:

Colossianee 1:18

As t’eshyn kione y chorp, yn agglish: eh ta’n toshiaght, yn chied‐er‐ny‐ruggey veih ny merriu; dy voddagh yn ard‐reill ’ve echey ayns dy chooilley nhee.

Hebrewnee 1:5

Son rish quoi jeh ny ainleyn dooyrt eh ec traa erbee, Uss my Vac, jiu ta mee er dty gheddyn? As reesht, Bee’m dasyn son Ayr, as bee eshyn dooys son Mac?

Hebrewnee 10:5

Shen‐y‐fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

1 Ean 4:9

Ayns shoh ta graih Yee er ny hoilshaghey dooinyn, er‐yn‐oyr dy ren Jee e ynrycan er‐ny‐gheddyn Vac y choyrt gys y theihll, dy voddagh shin ve bio ny hrooidsyn.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.