Hebrewnee 1:2 - Yn Conaant Noa 1810

² T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Yn Vible Casherick 1775 1819

² T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 1:2 ပူးပေါင်းရင်းမြစ်များ

Noo Mian 13:39

Yn noid chuirr ad yn Jouyl: yn fouyr jerrey yn theihll: as ny beayneeyn ny ainleyn.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mian 21:38

Agh tra honnick y tannys yn mac, dooyrt ad nyn mast’ oc hene, Shoh’n eirey, tar‐jee, lhig dooin eh y varroo, as bee’n eiraght echey lhien hene.

Noo Mian 26:63

Agh va Yeesey ny host. As dreggyr yn ard‐saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Mark 1:1

Toshiaght sushtal Yeesey Creest, Mac Yee;

Noo Mark 12:6

As va echey foast un vac, er v’eh feer ghraihagh, as hug eh eshyn myrgeddin ec y jerrey huc, gra, Ver ad arrym da my vac.

Noo Mark 12:7

Agh dooyrt ny eirinnee shen ny mast’ oc hene, Shoh’n eirey: tar‐jee as lhig dooin eh y varroo, as bee yn eiraght lhien hene.

Noo Ean 1:10

V’eh ayns y theihll, as va’n seihll er ny yannoo liorishyn, as y seihll cha dug enney er.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:3

Liorishyn va dy chooilley nhee er ny yannoo; as n’egooish cha row nhee erbee jeant va er ny yannoo;

Noo Ean 13:3

Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 13:32

My ta Jee er ny ghloyraghey ayn, nee Jee myrgeddin eshyn y ghloyraghey ayn hene, as nee eh dy gerrit eh y ghloyraghey.

Noo Ean 15:15

Veih shoh nagh cha vel mee dy enmys shiu sharvaantyn; son cha vel fys ec y charvaant, cre ta e hiarn dy yannoo: agh ta mee er n’enmys shiu caarjyn; son dy chooilley nhee ta mee er chlashtyn veih my Ayr, ta mee er hoilshaghey diuish.

Noo Ean 16:15

Ta dy chooilley nhee t’ec yn Ayr lhiam’s: shen‐y‐fa dooyrt mee, dy gow eh jeh ny ta lhiam’s as dy soilshee eh diuish eh.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 3:25

Eisht dirree question eddyr paart jeh ynseydee Ean as ny Hewnyn, mychione bashtey.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Noo Ean 5:27

As t’eh er choyrt da pooar dy yannoo briwnys myrgeddin, er‐y‐fa dy nee Mac y dooinney eh.

Noo Ean 9:29

Ta fys ain dy loayr Jee rish Moses: agh son eh shoh, cha s’ain cre veih t’eh.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 2:17

As hig eh gy‐kione ayns ny laghyn jerrinagh (ta Jee gra) dy deayrt‐yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Ephesianee 3:9

As dy hoilshaghey dy foshlit da dy chooilley ghooinney, cre ta commeeys y folliaght ta er ve er dy hoshiaght y theihll keillit ayns Jee, ren dy chooilley nhee y chroo liorish Yeesey Creest:

Hebrewnee 1:5

Son rish quoi jeh ny ainleyn dooyrt eh ec traa erbee, Uss my Vac, jiu ta mee er dty gheddyn? As reesht, Bee’m dasyn son Ayr, as bee eshyn dooys son Mac?

Hebrewnee 1:8

Agh mychione y Mac t’eh gra, Ta dty stoyl‐reeoil, O Yee, son dy bragh as dy bragh; lorg‐reill dy chairys lorg‐reill yn reeriaght ayd’s.

Hebrewnee 11:3

Trooid credjue ta shin toiggal dy row ny seihllyn er nyn groo liorish goo Yee, myr shen nagh row ny reddyn ta ry akin jeant jeh stoo erbee dy row eisht ayn.

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 5:8

Ga dy nee Mac v’eh ny‐yeih dynsee eh biallys, liorish ny reddyn duillee eh.

Hebrewnee 7:28

Son ta’n leigh, jannoo ard‐saggyrtyn jeh deiney giare‐heihllagh; agh ta’n goo dy vreearrey va er‐dyn leigh, jannoo yn Mac [ny ard‐saggyrt] ta er ny chasherickey son dy bragh.

Hebrewnee 7:3

Gyn ayr, gyn moir, gyn kynney, nagh row echey edyr toshiaght laghyn, ny jerrey bea; agh jeant casley rish Mac Yee, t’eh tannaghtyn ny haggyrt kinjagh [son dy bragh].

Hebrewnee 9:26

(Son eisht beign da v’er hurranse dy mennick er‐dy hoshiaght y theihll) agh nish un cheayrt son ooilley ayns ny eashyn s’jerree, t’eh er hoilshaghey eh hene dy chur ersooyl peccah liorish jannoo eh hene ny oural.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

2 Peddyr 3:3

Toiggal shoh hoshiaght, dy jig ayns ny laghyn s’jerree craidoilee, gimmeeaght lurg ny sayntyn oc hene,

Jude 1:18

Kys dinsh ad diu, dy beagh craidoilee ayns ny laghyn s’jerree, yinnagh gimmeeaght lurg ny yeearreeyn mee‐chrauee oc hene.