Galatianee 6:9 - Yn Conaant Noa 1810

⁹ As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Yn Vible Casherick 1775 1819

⁹ As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd liastey.

Galatianee 6:9 ပူးပေါင်းရင်းမြစ်များ

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 24:13

Agh bee eshyn, nee tannaghtyn firrinagh gys y jerrey, er ny hauail.

Noo Mian 25:17

As myrgeddin eshyn v’er gheddyn jees, chossyn eh neesht jees elley.

Noo Mian 9:19

As hrog Yeesey, as deiyr eh er, as myr shen ren e ynseydee.

Noo Mark 3:3

As dooyrt eh rish y dooinney lesh y laue shyrgit, Shass magh.

Noo Luke 18:1

As loayr eh coraa‐dorraghey roo, dy lhisagh deiney kinjagh padjer y ghoaill, as gyn ad y ve lhiastey;

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa.

2 Corinthianee 9:6

As shoh ta mee dy ghra, Eshyn ta cuirr thanney, nee myrgeddin buinn thanney: as eshyn ta cuirr dy palchey, nee myrgeddin buinn dy palchey.

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

Hebrewnee 12:3

Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.

Hebrewnee 12:5

As ta shiu er yarrood yn raaue ta loayrt riu myr rish cloan, My vac, ny soie uss beg jeh smaght y Chiarn, chamoo lhig dty chree voïd tra t’eh coyrt seaghyn dty raad.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Jamys 5:7

Fark‐jee er‐y‐fa shen, vraaraghyn, derrey cheet y Chiarn. Cur‐my‐ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

1 Peddyr 2:15

Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;

1 Peddyr 3:17

Son te ny share, my she aigney Yee eh, dy jean shiu surranse son jannoo dy mie, na son jannoo dy olk.

1 Peddyr 4:19

Shen‐y‐fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer‐croo firrinagh.

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver‐yms dy ee jeh’n manna follit, as ver ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

Ashlish 2:3

As t’ou er n’ymmyrkey yn errey, as ta ayd meenid, as er graih my ennym t’ou er hooilleil, as cha vel oo er choayl dty chree.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.