Galatianee 6:8 - Yn Conaant Noa 1810

⁸ Son eshyn ta cuirr gys yn eill, nee jeh’n eill myrgeddin buinn loauys: agh eshyn ta cuirr gys y Spyrryd, nee jeh’n Spyrryd buinn yn vea dy bragh farraghtyn.

Yn Vible Casherick 1775 1819

⁸ Son eshyn ta cuirr gys yn eill, nee jeh’n eill myrgeddin buinn loauys: agh eshyn ta cuirr gys y Spyrryd, nee jeh’n Spyrryd buinn yn vea dy bragh farraghtyn.

Galatianee 6:8 ပူးပေါင်းရင်းမြစ်များ

Romanee 8:13

Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

Jamys 3:18

As ta’n mess dy ynrickys er ny chuirr ayns shee dauesyn ta cur rish shee.

2 Peddyr 2:19

Choud’s t’ad gialdyn daue reamys, t’ad hene nyn sharvaantyn dy neu‐ghlennid: son liorishyn ta’n varriaght er ny gheddyn er dooinney, liorish yn er cheddin t’eh er ny choyrt lesh fo bondiaght.

Galatianee 6:7

Ny bee‐jee mollit; cha vel craid dy ve jeant mysh Jee: son cre‐erbee ta dooinney dy chuirr, lheid shen nee eh ’vuinn.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

Ashlish 22:11

Lhig dasyn ta neu‐chairagh, ve dy kinjagh neu‐chairagh: as lhig dasyn ta neu‐ghlen, ve kinjagh neu‐ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.

Noo Ean 4:36

As ta’n beaynee geddyn faill, as chaglym mess gys y vea veayn: dy vod chammah yn correyder as y beaynee boggey y ghoaill cooidjagh.

Jude 1:21

Freill‐jee shiu hene ayns graih Yee, jerkal rish myghin nyn Jiarn Yeesey Creest gys bea dy bragh farraghtyn.

Noo Ean 6:27

Ny bee‐jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Luke 18:30

Nagh vow ymmodee filley smoo ’sy traa t’ayn nish, as ayns y theihll ra ry‐heet yn vea dy bragh farraghtyn.

2 Peddyr 2:12

Agh ad shoh, myr beiyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu‐ghlennid oc hene:

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Romanee 8:6

Son ta yeearree yn eill, baase; agh yeearree yn Spyrryd, bea as shee:

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

1 Corinthianee 15:42

Er yn aght shoh myrgeddin ta’n irree‐seose‐reesht veih ny merriu. Te er ny chuirr ayns broïd; te troggit seose ayns glennid: