Galatianee 6:2 - Yn Conaant Noa 1810

² Ymmyrk‐jee erraghyn y cheilley, as myr shoh lhieen‐jee yn leigh.

Yn Vible Casherick 1775 1819

² Ymmyrk-jee erraghyn y cheilley, as myr shoh lhieen-jee yn leigh.

Galatianee 6:2 ပူးပေါင်းရင်းမြစ်များ

Noo Mian 8:17

Myr shoh va cooilleenit shen ny loayr Esaias y phadeyr, gra, Ghow eh hene er ny aslayntyn ainyn, as dymmyrk eh nyn ghoghanyn.

Noo Luke 11:46

As dooyrt eh, Smerg diuish neesht fir‐ynsee yn leigh: son ta shiu laadey deiney lesh erraghyn doillee de ve er nyn ymmyrkey, as cha vel shiu hene bentyn rish ny erraghyn lesh unnane jeh nyn meir.

Noo Ean 13:34

Sarey noa ta mee dy choyrt diu, Shiu dy ve graihagh yn derrey yeh er y jeh elley; myr ta mish er ve graihagh erriuish, dy der shiuish myrgeddin graih yn derrey yeh da’n jeh elley.

Noo Ean 15:12

Shoh my harey, Shiu dy chur graih yn derrey yeh da’n jeh elley, myr ta mish er ve graihagh erriuish.

Romanee 15:1

Lhisagh shinyn eisht ta lajer , gymmyrkey lesh ny annooinidyn ocsyn ta moal‐chredjuagh, as cha nee dy wooiys shin hene.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 9:21

Dauesyn ta fegooish y leigh, myr fegooish y leigh, (ga nagh row mee fegooish y leigh gys Jee, agh fo’n leigh gys Creest) dy voddin adsyn ta fegooish y leigh y chosney.

Galatianee 6:5

Son nee dy chooilley ghooinney gymmyrkey e errey hene.

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

Jamys 1:25

Agh quoi‐erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Jamys 2:12

Myr shen loayr‐jee, as myr shen jean‐jee, myr adsyn vees er nyn mriwnys liorish y leigh dy reamys [creestee].

Jamys 2:8

My ta shiu cooilleeney yn leigh reooil, cordail rish y scriptyr, Ver oo graih da dy naboo myr dhyt hene, ta shiu jannoo dy mie.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

2 Peddyr 2:21

Son ny baare veagh eh daue gyn tushtey er ve oc jeh raad yn ynrickys, na lurg daue v’er doiggal eh, dy hyndaa veih yn anney casherick hie er livrey daue.

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh:

1 Ean 4:21

As shoh yn sarey t’ain veihsyn, Eshyn ta graihagh er Jee, dy der eh graih da e vraar myrgeddin.