Galatianee 6:1 - Yn Conaant Noa 1810

¹ Vraaraghyn, my ta dooinney taghyrt dy huittym ayns peccah, shiuish ta spyrrydoil, gow‐jee stiagh eh reesht ayns y spyrryd dy veenid; smooinaghtyn ort hene, er‐aggle dy vod uss myrgeddin ve miolit.

Yn Vible Casherick 1775 1819

¹ Vraaraghyn, my ta dooinney taghyrt dy huittym ayns peccah, shiuish ta spyrrydoil, gow-jee stiagh eh reesht ayns y spyrryd dy veenid; smooinaghtyn ort hene, er-aggle dy vod uss myrgeddin ve miolit.

Galatianee 6:1 ပူးပေါင်းရင်းမြစ်များ

Noo Mian 11:29

Gow‐jee my whing erriu, as ynsee‐jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mian 26:69

Nish va Peddyr ny hoie cheu‐mooie jeh’n cheshaght ayns y halley: as haink ben‐aeg huggey, gra, V’ou uss myrgeddin marish Yeesey dy Ghalilee.

Noo Mian 26:75

As chooinee Peddyr er ny goan va Yeesey er ghra rish, Roish gerrym y chellee, obbee uss mish three keayrtyn. As hie eh magh as cheayn eh dy sharroo.

Noo Mian 9:13

Agh immee‐jee shiuish, as ynsee‐jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Romanee 14:1

Eshyn ta annoon ’sy chredjue gow‐jee rish, agh cha nee gys jengleyrys dooyteilagh.

Romanee 15:1

Lhisagh shinyn eisht ta lajer , gymmyrkey lesh ny annooinidyn ocsyn ta moal‐chredjuagh, as cha nee dy wooiys shin hene.

Romanee 8:6

Son ta yeearree yn eill, baase; agh yeearree yn Spyrryd, bea as shee:

1 Corinthianee 10:12

Shen‐y‐fa lhig dasyn ta smooinaghtyn dy vel eh ny hassoo, kiarail y ghoaill nagh duitt eh.

1 Corinthianee 14:37

My ta dooinney erbee smooinaghtyn eh hene ny adeyr, ny spyrrydoil, lhig da goaill rish ny reddyn ta mee dy scrieu hiu dy ve saraghyn y Chiarn.

1 Corinthianee 2:15

Agh eshyn ta spyrrydoil, t’eh briwnys dy chooilley nhee, ny yeih cha vel eh hene er ny vriwnys liorish dooinney erbee.

1 Corinthianee 3:1

As er my hon’s, vraaraghyn, cha voddym loayrt riuish myr rish sleih spyrrydoil, agh myr roosyn ta fo reill ny foalley, dy jarroo myr rish oikanyn ayns Creest.

1 Corinthianee 4:21

Cre sailliu? jig‐ym hiu lesh slatt, ny ayns graih, as ayns y spyrryd dy veenid.

1 Corinthianee 7:5

Ny treig‐jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh‐spyrryd shiu son nyn neu‐heeltys.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 2:7

Myr shen dy baare diu er yn aght elley leih da, as gerjaghey eh, er‐aggle dy beagh e lheid sluggit seose lesh rouyr trimshey.

2 Corinthianee 2:8

Shen‐y‐fa ta mee guee erriu, dy jinnagh shiu nyn ghraih y hickyraghey dasyn.

Galatianee 5:23

Meenid, sheeltys: noi nyn lheid cha vel leigh erbee.

Galatianee 6:18

Vraaraghyn, dy row grayse nyn Jiarn Yeesey Creest marish y spyrryd eu. Amen.

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

2 Thessalonianee 3:15

Ny‐yeih ny jeeagh‐jee er myr noid, agh coyrlee‐jee eh myr braar.

2 Timothy 2:25

Ayns meenid gynsageey adsyn ta shassoo magh; my saillish Jee arrys y chur daue gys goaill‐rish yn irriney;

Hebrewnee 12:13

As jean‐jee raaidyn rea son nyn gassyn, er‐aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

Hebrewnee 13:3

Cooinee‐jee orroosyn t’ayns geulaghyn, myr ayns geulaghyn mâroo; as orroosyn t’ayns seaghyn, myr ta shin hene myrgeddin ’sy challin.

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

1 Peddyr 3:15

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Ean 5:16

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.