Galatianee 5:12 - Yn Conaant Noa 1810

¹² Baill‐ym dy beagh ad eer giarit magh ta dy voirey shiu.

Yn Vible Casherick 1775 1819

¹² Baillym dy beagh ad eer giarit magh ta dy voirey shiu.

Galatianee 5:12 ပူးပေါင်းရင်းမြစ်များ

Noo Ean 9:34

Dreggyr ad as dooyrt ad rish, V’ou uss er dty ruggey ooilley cooidjagh ayns peccaghyn, as vel oo goaill ort dy ynsaghey shinyn? As ghiare ad magh eh.

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Jannoo 5:5

Tra cheayll Ananias ny goan shoh, huitt eh harrish, as hooar eh baase: as haink aggle mooar orroosyn ooilley cheayll ny reddyn shoh.

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er‐chee dy yannoo molteyrys er Spyrryd y Chiarn? cur‐my‐ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

1 Corinthianee 5:13

Agh adsyn ta er cheu‐mooie, ta Jee dy vriwnys. Shen‐y‐fa cur‐jee ersooyl veih nyn mast’ eu yn persoon mee‐chrauee shen.

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 5:10

Ta my varrant erriu ayns y Chiarn, nagh bee shiu jeh aigney erbee elley: agh nee eshyn ta dy voirey shiu, e cherraghey y ymmyrkey, quoi‐erbee eh.

Titus 3:10

Dooinney ta jannoo boiraghyn ’syn agglish, lurg raaue v’er ny choyrt da yn nab cheayrt, lhig da ve giarit‐magh: