Galatianee 5:1 - Yn Conaant Noa 1810

¹ Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

Yn Vible Casherick 1775 1819

¹ Shass-jee shickyr er-y-fa shen ’sy reamys ta Creest er chosney dooin, as ny bee-jee kianlt reesht fo’n whing dy vondiaght.

Galatianee 5:1 ပူးပေါင်းရင်းမြစ်များ

Noo Mian 23:4

Son t’ad kiangley erraghyn tromey as doillee dy ve er nyn ymmyrkey, as dyn goyrt ad er geayltyn deiney, agh cha lhie ad hene wheesh mair roo dy hroggal ad.

Noo Luke 5:38

Agh shegin da feeyn noa v’er ny chur ayns boteilyn noa; as t’ad ny neesht sauchey.

Jannoo 15:10

Kys er‐y‐fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Romanee 6:14

Son cha bee pooar ec peccah harrishdiu: son cha vel shiu fo’n leigh, agh fo grayse.

Romanee 6:18

Er nyn seyrey eisht veih peccah, haink shiu dy ve sharvaantyn dy chairys.

Romanee 7:3

Myr shen eisht my vees ee, choud as ta’n sheshey eck bio, poost rish dooinney elley, bee ee kyndagh jeh brishey‐poosey: agh my ta’n sheshey eck marroo, t’ee feayshlit veih’n leigh shen; myr shen cha vel ee brishey‐poosey, ga dy bee ee poost rish dooinney elley.

Romanee 7:6

Agh nish ta shin livreit veih’n leigh, marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

1 Corinthianee 16:13

Bee‐jee er nyn arrey, shass‐jee shickyr ’sy chrodjue, ymmyrk‐jee shiu hene myr deiney, bee‐jee dunnal.

1 Corinthianee 7:22

Son eshyn ta er ny eam ayns y Chiarn, as eh ny harvaant, t’eh ayns seyrsnys y Chiarn: myrgeddin eshyn ta er ny eam, as eh ayns seyrsnys, t’eh sharvaant Chreest.

2 Corinthianee 11:20

Son ta shiu fuilliaghtyn, my ta dooinney coyrt lesh shiu ayns bondiaght, my ta dooinney dy spooilley shiu, my ta dooinney goaill jiu, my ta dooinney troggal eh hene seose dy mooaralagh, my ta dooinney bwoalley shiu er yn eddin.

2 Corinthianee 3:17

Nish she’n Chiarn yn Spyrsyd shen: as raad ta Spyrryd y Chiarn, shen y raad ta reamys.

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 3:25

Agh erreish da credjue v’er jeet, cha vel shin ny sodjey fo fer‐ynsee.

Galatianee 4:26

Agh Jerusalem ta heose, t’ee seyr; shoh ee ta’n voir ain ooilley.

Galatianee 4:31

Myr shen eisht, vraaraghyn, cha vel shinyn nyn gloan da’n inney‐veyl, agh da’n ven‐seyr.

Galatianee 4:9

Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Ephesianee 6:14

Shass‐jee er‐y‐fa shen lesh nyn meeghyn kianlt mygeayrt lesh yn irriney, as erriu yn breast‐plate dy chairys;

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

1 Thessalonianee 3:8

Son nish ta shin bio, my ta shiu shassoo shickyr ayns y Chiarn.

2 Thessalonianee 2:15

Shen‐y‐fa, vraaraghyn, shass‐jee shickyr, as cum‐jee gys ny oardaghyn ta shiu er n’ynsaghey, lhig eh ve liorish goan, ny’n screeuyn ain.

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

2 Peddyr 2:19

Choud’s t’ad gialdyn daue reamys, t’ad hene nyn sharvaantyn dy neu‐ghlennid: son liorishyn ta’n varriaght er ny gheddyn er dooinney, liorish yn er cheddin t’eh er ny choyrt lesh fo bondiaght.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

Ashlish 2:25

Agh cum‐jee shickyr shen ny t’eu hannah, derrey hig‐ym.

Ashlish 3:3

Cooinee, er‐y‐fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er‐y‐fa shen er dty arrey, hig‐ym ort myr maarliagh, as cha bee fys ayd cre’n oor hig‐ym ort.