Galatianee 4:9 - Yn Conaant Noa 1810

⁹ Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

Yn Vible Casherick 1775 1819

⁹ Agh nish erreish da enney ve eu er Jee, er-nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearree dy ve reesht ayns bondiaght?

Galatianee 4:9 ပူးပေါင်းရင်းမြစ်များ

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Luke 5:38

Agh shegin da feeyn noa v’er ny chur ayns boteilyn noa; as t’ad ny neesht sauchey.

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

1 Corinthianee 15:34

Dooisht‐jee gys cairys, as ny cur‐jee rish peccah; son ta paart nagh vel tushtey oc dy Yee: ta mee grah shoh gys y nearey eu.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

2 Corinthianee 11:20

Son ta shiu fuilliaghtyn, my ta dooinney coyrt lesh shiu ayns bondiaght, my ta dooinney dy spooilley shiu, my ta dooinney goaill jiu, my ta dooinney troggal eh hene seose dy mooaralagh, my ta dooinney bwoalley shiu er yn eddin.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Galatianee 3:3

Vel shiu nish jeh cha beg dy hushtey? lurg diu goaill toshiaght ’sy Spyrryd, vel shiu nish jannoo jerrey ’syn eill?

Galatianee 4:3

Er yn aght cheddin, tra va shin nyn gloan, va shin ayns bondiaght fo oardaghyn y theihll:

Ephesianee 1:17

Dy jean Jee nyn Jiarn Yeesey Creest, Ayr ny ghloyr, cur diuish yn Spyrryd dy chreenaght as dy hoilshey flaunyssagh, dy choyrt enney er:

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Hebrewnee 7:18

Son ta’n sarey va roïe er ny choyrt dy lhiattee, son dy row eh dyn vree as neu‐fondagh.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.