Galatianee 4:8 - Yn Conaant Noa 1810

⁸ Agh ny yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Yn Vible Casherick 1775 1819

⁸ Agh ny-yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Galatianee 4:8 ပူးပေါင်းရင်းမြစ်များ

Noo Ean 1:10

V’eh ayns y theihll, as va’n seihll er ny yannoo liorishyn, as y seihll cha dug enney er.

Jannoo 14:12

As denmys ad Barnabas Jupiter, as Paul Mercury, er‐y‐fa dy nee eh eshyn va dy floaoil soiaghey magh yn goo.

Jannoo 17:23

Son myr va mee goll shaghey, as cur‐my‐ner yn aght ooashlaghey euish, hooar mee altar as yn raa shoh scruit er, GYS Y JEE GYN‐YSS DOOIN. She eshyn er‐y‐fa shen ta shiu dy ooashlaghey gyn fys eu quoi eh, ta mish dy hoilshaghey diu.

Romanee 1:23

As cheaghil ad gloyr y Jee nagh vod goll naardey, gys jalloo casley rish dooinney ta goll naardey, as eeanlee, as beiyn kiare‐chassagh, as beishteigyn.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 12:2

Ta fys eu dy row shiu nyn Ashoonyn‐quaagh, er nyn goyrt lhieu ersooyl gys ny jallooyn balloo shoh, dy jarroo myr va shiu er nyn leeideil.

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

Galatianee 4:3

Er yn aght cheddin, tra va shin nyn gloan, va shin ayns bondiaght fo oardaghyn y theihll:

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

1 Thessalonianee 1:9

Son t’ad hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh.

1 Thessalonianee 4:5

Cha nee ayns mian saynt ny foalley, goll‐rish eer ny Ashoonyn‐quaagh nagh vel tushtey oc dy Yee;

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid‐feeyney, cuirraghyn jollyssagh, meeiteilyn meshtyllagh, as jalloonys dwoaiagh:

1 Ean 3:1

Cur‐my‐ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen‐y‐fa cha vel enney ec y theihll orrin, er‐y‐fa nagh row enney echey ersyn.