Galatianee 4:6 - Yn Conaant Noa 1810

⁶ As er‐y‐fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

Yn Vible Casherick 1775 1819

⁶ As er-y-fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

Galatianee 4:6 ပူးပေါင်းရင်းမြစ်များ

Noo Mark 14:36

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Noo Luke 11:13

My ta toiggal er‐y‐fa shen euish, ta olk, kys dy choyrt giootyn mie da nyn gloan; cre‐woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Luke 11:2

As dooyrt eh, Tra ghoys shiu padjer, abbyr‐jee, Ayr ain t’ayns niau, Casherick dy row dty ennym. Dy jig dty reeriaght. Dty aigney dy row jeant er y thalloo, myr te ayns niau.

Noo Ean 14:16

As guee‐yms gys yn Ayr, as ver eh hiu Fer‐gerjagh elley dy hannaghtyn mêriu son dy bragh.

Noo Ean 15:26

Agh tra vees Fer‐ny‐gherjagh er jeet, eh ver‐yms hiu veih yn Ayr, ta shen, Spyrryd ny firriney, ta cheet magh veih yn Ayr, nee eh feanish y ymmyrkey jeem’s.

Noo Ean 16:7

Ny‐yeih ta mish ginsh diu yn irriney; Te ymmyrchagh er nyn son mish dy gholl roym: son mannagh jem roym, cha jig Fer‐ny‐gherjagh hiu; agh my hem’s roym, ver‐ym hiu eh.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Noo Ean 7:39

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

Jannoo 16:7

As erreish daue v’er jeet gys Mysia, chiare ad dy gholl er nyn doshiaght gys Bithynia: agh cha lhig y Spyrryd daue.

Romanee 5:5

As cha vel treishteil jannoo shin lhag‐chreeagh, er‐y‐fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

Romanee 8:9

Agh cha vel shiuish ayns yn eill, agh ayns y Spyrryd, my she shen dy vel Spyrryd Yee baghey ayndiu. Nish mannagh vel ec dooinney erbee Spyrryd Chreest, cha nee leshyn eh.

1 Corinthianee 15:45

As myr shen te scruit, Va’n chied dooinney Adam jeant ny annym bio, va’n Adam s’jerree jeant ny Spyrryd ta choyrt bioys.

2 Corinthianee 1:22

Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

2 Corinthianee 3:17

Nish she’n Chiarn yn Spyrsyd shen: as raad ta Spyrryd y Chiarn, shen y raad ta reamys.

Ephesianee 1:13

Aynsyn ren shiuish myrgeddin treishteil, lurg diu v’er chlashtyn goo yn irriney, sushtal y taualtys eu: aynsyn myrgeddin erreish diu v’er chredjal, va shiu er nyn gowraghey lesh y Spyrryd casherick shen dy ghialdynys,

Ephesianee 2:18

Son ny hrooidsyn ta kied ain ny‐neesht dy hayrn er‐gerrey gys yn Ayr liorish un Spyrryd.

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Philippianee 1:19

Son ta fys aym dy jean shoh chyndaa gys my livrey‐ys trooid y phadjer euish, as cooney Spyrryd Yeesey Creest,

1 Thessalonianee 4:8

Eshyn er‐y‐fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.