Galatianee 4:5 - Yn Conaant Noa 1810

⁵ Dy eaysley adsyn va fo’n leigh, dy voddagh shin doltanys mec y gheddyn.

Yn Vible Casherick 1775 1819

⁵ Dy eaysley adsyn va fo’n leigh, dy voddagh shin doltanys mec y gheddyn.

Galatianee 4:5 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Romanee 10:4

Son ta Creest jerrey yn leigh son cairys, da dy chooilley unnane ta credjal.

Romanee 8:14

Son whilleen as ta er ny leeideil liorish Spyrryd Yee, t’ad nyn mec dy Yee.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdinyn;

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Galatianee 3:26

Son ta shiu ooilley cloan Yee liorish credjue ayns Yeesey Creest.

Galatianee 4:21

Insh‐jee dou, shiuish ta aggindagh dy ve fo’n leigh, nagh vel shiu clashtyn y leigh?

Galatianee 4:7

Shen‐y‐fa cha vel oo nish ny sodjey dty harvaant, agh mac; as my she mac oo, eisht t’ou eirey dy Yee trooid Creest.

Ephesianee 1:5

T’er chiarail shin gys doltanys cloan liorish Yeesey Creest da hene, cordail rish taitnys e aigney‐mie hene,

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 9:12

Chamoo liorish fuill goair as lheiyee, agh liorish yn uill echey hene, hie eh stiagh un cheayrt son ooilley ayns yn ynnyd casherick, lurg da v’er chosney feaysley braa er nyn son.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

Ashlish 14:3

As ghow ad myr dy beagh eh arrane noa kiongoyrt rish y stoyl‐reeoil, as kiongoyrt rish ny kiare cretooryn bio, as y chanstyr: as cha dod dooinney erbee yn arrane shen y ynsaghey, agh y chiaght feed as kiare thousaneyn, v’er nyn veaysley veih broïd y theihll.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;