Galatianee 4:4 - Yn Conaant Noa 1810

⁴ Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Yn Vible Casherick 1775 1819

⁴ Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

Galatianee 4:4 ပူးပေါင်းရင်းမြစ်များ

Noo Mian 1:23

Cur‐my‐ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 3:15

Dreggyr Yeesey, as dooyrt eh rish, Cur raad dou nish: son shoh myr te cooie dooin dy chooilley chairys y chooilleeney. Eisht lhig eh da.

Noo Mian 5:17

Ny smooinee‐jee dy daink mish dy chur naardey yn leigh as ny phadeyryn: cha nee dy chur naardey haink mee, agh dy chooilleeney.

Noo Mark 1:15

As gra, Ta’n tra cooilleenit, as ta reeriaght Yee er‐gerrey: gow‐jee arrys, as cred‐jee yn sushtal.

Noo Luke 1:31

As cur‐my‐ner, nee oo giennaghtyn, as mac y ymmykey, as enmyssee oo yn ennym echey Yeesey.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er‐syrjey er ny skeayley harryd: shen‐y‐fa bee yn sluight chasherick shen ver oo son y theihll, enmyssit Mac Yee.

Noo Luke 2:7

As hug ee son y theihll yn ynrycan vac rug jee, as hoïll ee eh ayns aanrityn soillee, as hug ee eh ny lhie ayns manjoor, er‐y‐fa nagh row room er nyn son ayns y thie‐oast.

Noo Luke 20:44

Ta David er‐y‐fa shen genmys eh ny Hiarn, kys t’eh eisht yn mac echey?

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 10:36

Vel shiu gra mychionesyn ta’n Ayr er chasherickey, as er choyrt gys y theihll, T’ou loayrt goan‐mollaghtagh; er‐yn‐oyr dy dooyrt mee, She Mac Yee mee?

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Noo Ean 8:42

Dooyrt Yeesey roo, Dy beagh Jee yn Ayr eu, veagh shiu graihagh orrym’s; son hie mee magh, as haink mee veih Jee; as cha daink mee jee’m pene, agh eshyn t’er my choyrt.

Jannoo 1:7

As dooyrt eh roo, Cha vel eh bentyn diuish dy hoiggal ny earishyn, ny ny imbaghyn, ta’n Ayr er reayll ayns e phooar hene.

Romanee 1:3

Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley,

Romanee 15:8

Nish ta mee gra, dy row Yeesey Creest ny hirveishagh jeh’n ghiarey‐chymmylt, son firrinys Yee, dy hickyraghey ny gialdynyn va jeant da ny aryraghyn.

Romanee 5:6

Son choud as va shin foast annoon, ayns traa cooie duillee Creest baase son ny mee‐chrauee.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Colossianee 2:14

Crossey yn laue scrieuee dy oardaghyn, hass ’sy raad roïn as va nyn ’oï, as ghow eh eh ersooyl dy bollagh, treiney eh gys e chrosh:

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

1 Ean 4:14

As ta shin er vakin, as ta shin gymmyrkey feanish dy vel yn Ayr er choyrt yn Mac dy ve Saualtagh y theihll.

1 Ean 4:2

Liorish shoh gow‐ee shiu baght jeh Spyrryd Yee: Dy chooilley spyrryd ta goaill‐rish dy vel Yeesey Creest er jeet ayns yn eill, t’eh jeh Jee.