Galatianee 4:12 - Yn Conaant Noa 1810

¹² Vraaraghyn, ta mee guee erriu, bee‐jee myr ta mish: son va mee myr ta shiuish: cha vel shiu er n’yannoo dooys veg yn aggair.

Yn Vible Casherick 1775 1819

¹² Vraaraghyn, ta mee guee erriu, bee-jee myr ta mish: son va mee myr ta shiuish: cha vel shiu er n’yannoo dooys veg yn aggair.

Galatianee 4:12 ပူးပေါင်းရင်းမြစ်များ

Jannoo 21:21

As t’ad er chlashtyn jeed’s, dy vel oo gynsaghey ooilley ny Hewnyn, ta mastey ny Ashoonee, dy hreigeil Moses, gra, Nagh lhisagh ad nyn gloan y ghiarey‐chymmylt, ny gimmeeaght lurg ny oardaghyn.

2 Corinthianee 2:5

Agh my ta fer erbee er choyrt oyr dy hrimshey, cha vel eh er yannoo mish trimshagh, agh ayns ayrn: nagh darrin ro hrome erriu ooilley.

2 Corinthianee 6:11

O shiuish Chorinthianee, ta’n beeal ain er ny osley [ayns graih] hiuish, ta’n cree ain er ny heeyney magh erriu.

2 Corinthianee 6:13

Nish son cooilleeney ayns y red cheddin (ta mee loayrt myr rish my chloan) lhig da’n cree euish myrgeddin roshtyn orrym’s.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 4:11

Ta mee goaill aggle j’iu, dy vel mee er vaarail erriu obbyr ayns fardail.

Galatianee 4:13

Ta fys eu kys trooid annooinid y challin, ren mee yn sushtal y preacheil hiuish ec y toshiaght.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Galatianee 6:18

Vraaraghyn, dy row grayse nyn Jiarn Yeesey Creest marish y spyrryd eu. Amen.