Galatianee 2:9 - Yn Conaant Noa 1810

⁹ As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Yn Vible Casherick 1775 1819

⁹ As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail; dy ragh shinyn gys ny Ashoonee, as adsyn gys yn giarey-chymmylt.

Galatianee 2:9 ပူးပေါင်းရင်းမြစ်များ

Noo Mian 16:18

As ta mee myrgeddin gra, rhyt, Dy nee uss Peddyr as dy nee er y chreg shoh trog‐ym’s my agglish: as cha vow giattyn niurin yn varriaght urree.

Noo Luke 22:8

As hug eh magh Peddyr as Ean, gra, Immee‐jee, as aarlee‐jee yn Eayn‐caisht dy vod mayd gee.

Noo Ean 1:42

As hug eh lesh eh gys Yeesey. As tra honnick Yeesey eh, dooyrt eh, Uss Simon mac Jona: bee oo enmyssit Cephas, ta shen dy ghra Peddyr.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 15:13

As erreish daue loayrt, dreggyr Jamys, gra, Gheiney as vraaraghyn, eaisht‐jee rhym’s.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

Romanee 15:15

Ny‐yeih, vraaraghyn, ta mee er scrieu ny ’sarryltee hiu, ayns ayrn, dy choyrt shiu ayns cooinaghtyn, er coontey yn ghrayse t’er ny choyrt dooys liorish Jee,

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

2 Corinthianee 11:5

Son ta mee goaill orrym nagh row mee veg ergooyl ny eer ostyllyn b’yrjey.

2 Corinthianee 12:11

Ta mee er jeet dy ve my ommydan ayns boggyssagh, shiu hene ta er m’êginaghey; son shiuish lhisagh v’er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

2 Corinthianee 8:4

Guee orrin dy jeean, dy jinnagh shin soiaghey jeh’n gioot, as goaill orrin yn currym dy rheynn eh er ny nooghyn.

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Galatianee 1:18

Eisht lurg three bleeaney hie mee seose gys Jerusalem, dy akin Peddyr, as duirree mee mârish queig laa yeig.

Galatianee 2:1

Eisht kiare bleeaney jeig ny lurg shen, hie mee seose reesht gys Jerusalem, marish Barnabas, as ghow mee Titus myrgeddin mârym.

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

Ashlish 3:12

Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu‐yms er ennym my Yee, as ennym ard‐valley my Yee, yn Jerusalem noa, ta cheet neose veih niau voish my Yee; as scrieu‐yms er my ennym noa.