Galatianee 2:8 - Yn Conaant Noa 1810

⁸ (Son eshyn ren gobbraghey dy breeoil ayns Peddyr son ostyllys yn ghiarey‐chymmylt, v’eh myrgeddin niartal aynym’s son ny Ashoonee)

Yn Vible Casherick 1775 1819

⁸ (Son eshyn ren gobbraghey dy breeoil ayns Peddyr son ostyllys yn ghiarey-chymmylt, v’eh myrgeddin niartal aynym’s son ny Ashoonee.)

Galatianee 2:8 ပူးပေါင်းရင်းမြစ်များ

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 15:12

Eisht va ooilley yn cheshaght nyn dhost, as deaisht ad rish Barnabas as Paul, soilshaghey cre ny mirrillyn as yindyssyn va Jee er n’obbraghey mastey ny Ashoonee lioroosyn.

Jannoo 19:26

Marish shoh ta shiu fakin as clashtyn, dy vel Paul shoh, cha nee ynrycan ec Ephesus, agh faggys trooid ooilley Asia, er choyrlaghey as er hayrn ersooyl ymmodee sleih, gra, nagh nee Jeeghyn ad ta jeant lesh laueyn:

Jannoo 21:19

As tra v’eh er vannaghey daue, hoilshee eh daue ayns coorse ny reddyn va Jee er n’obbraghey mastey ny Ashoonee liorish y chirveish echeysyn.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 4:4

Ny‐yeih ren ymmodee jeusyn credjal v’er chlashtyn y goo; as va earrooyn ny deiney mysh queig thousaneyn.

Jannoo 8:17

Eisht hug ad nyn laueyn orroo, as hooar ad y Spyrryd Noo.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 9:2

Mannagh vel mee my ostyl da feallagh elley, foast gyn dooyt ta mee diuish: son shiuish cowrey m’ostyllys ayns y Chiarn.

Galatianee 3:5

Eshyn er‐y‐fa shen ta shirveish yn Spyrryd erriuish, as ta gobbraghey mirrillyn nyn mast’ eu, vel eh dy yannoo eh liorish obbraghyn y leigh, ny liorish y clashtyn dy chredjue?

Colossianee 1:29

Son shoh ta mish myrgeddin tooilleil, streeu cordail rish yn obbragh breeoil echeysyn, ta gobbraghey aynym’s dy niartal.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.