Galatianee 2:7 - Yn Conaant Noa 1810

⁷ Agh er y cheu elley, tra honnick ad dy row sushtal yn anghiarey‐chymmylt er ny choyrt er my churrym’s, myr va shen jeh’n ghiarey‐chymmylt gys Peddyr;

Yn Vible Casherick 1775 1819

⁷ Agh er y cheu elley, tra honnick ad dy row sushtal yn an-ghiarey-chymmylt er ny choyrt er my churrym’s, myr va shen jeh’n ghiarey-chymmylt gys Peddyr;

Galatianee 2:7 ပူးပေါင်းရင်းမြစ်များ

Jannoo 15:12

Eisht va ooilley yn cheshaght nyn dhost, as deaisht ad rish Barnabas as Paul, soilshaghey cre ny mirrillyn as yindyssyn va Jee er n’obbraghey mastey ny Ashoonee lioroosyn.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu‐chyndagh: veih shoh magh hem roym gys ny Ashoonee.

Jannoo 28:28

Lhig da fys y ve euish er‐y‐fa shen, dy vel saulatys Yee er n’eaishtee ad rish.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 11:13

Son ta mee loayrt riuish, Ashoonee, ayns wheesh as dy vel mee ostyl ny Hashoonee, ta mee moylley my oik:

1 Corinthianee 9:17

Son my ta mee jannoo shoh dy arryltagh, ta leagh my chour: agh my she noi m’aigney, ta preacheil y sushtal fo my churrym dy chooilleeney.

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Galatianee 1:18

Eisht lurg three bleeaney hie mee seose gys Jerusalem, dy akin Peddyr, as duirree mee mârish queig laa yeig.

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Galatianee 2:11

Agh tra va Peddyr er jeet gys Antioch, hug mee eddin da, er‐yn‐oyr dy row eh foiljagh.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

1 Thessalonianee 2:4

Agh myr va shin lowit liorish Jee currym y tushtal dy ve orrin, dy jarroo myr shoh ta shin loayrt, cha nee shirrey deiney y wooiys, agh Jee, ta trial nyn greeaghyn.

1 Timothy 1:11

Cordail rish sushtal gloyroil yn Jee bannit, va er ny choyrt gys my churrym.

1 Timothy 2:7

Gys shoh va mee er my oardaghey ny phreachoor, as ostyl (ta mee loayrt yn irriney ayns Creest, as cha vel mee ginsh breg) fer‐ynsee ny Ashoonee ayns credjal as firrinys.

2 Timothy 1:11

Gys ta mee er my phointeil ny phreachoor, as ny ostyl, as fer‐ynsee ny Ashoonee.

2 Peddyr 3:15

As smooinee‐jee dy vel surranse‐foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;