Galatianee 2:6 - Yn Conaant Noa 1810

⁶ Agh er nyn son ocsyn va lowit dy ve red ennagh (cre‐erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit dy ve myr shoh, tra va shin noi‐ry‐hoi, cha dynsee mee veg sodjey voue.

Yn Vible Casherick 1775 1819

⁶ Agh er nyn son ocsyn va lowit dy ve red ennagh (cre-erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit, dy ve myr shoh, tra va shin noi-ry-hoi, cha dynsee mee veg sodjey voue.

Galatianee 2:6 ပူးပေါင်းရင်းမြစ်များ

Noo Mian 22:16

As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mark 12:14

As tra v’ad er jeet, dooyrt ad rish, Vainshter, ta fys ain dy vel oo firrinagh, as nagh vel oo ayns imnea roish dooinney erbee; son cha vel oo soiaghey jeh persoon deiney, agh gynsaghey raad Yee ayns firrinys: vel eh lowal keesh y choyrt da Cesar, mannagh vel?

Noo Luke 20:21

As dênee ad jeh, gra, Vainshter, ta fys ain dy vel oo loayrt as gynsaghey dy cairagh; chamoo t’ou soiaghey jeh persoon erbee, agh gynsaghey raad Yee dy firrinagh.

Jannoo 10:34

Eisht doshil Peddyr e veeal, as dooyrt eh, Ayns firrinys ta mee cur tastey nagh vel Jee soiaghey jeh persoonyn:

Jannoo 5:36

Son cha voddey neayr’s dirree magh Theudas, boggyssagh jeh hene dy ve ny ard‐ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaa‐lhean as toyrt‐mow.

Romanee 2:11

Son cha vel Jee jannoo soiaghey jeh persoonyn.

2 Corinthianee 11:5

Son ta mee goaill orrym nagh row mee veg ergooyl ny eer ostyllyn b’yrjey.

2 Corinthianee 12:11

Ta mee er jeet dy ve my ommydan ayns boggyssagh, shiu hene ta er m’êginaghey; son shiuish lhisagh v’er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

2 Corinthianee 5:16

Shen‐y‐fa cha vel shin maghey shoh jannoo soiagh jeh dooinney erbee lurg yn eill: dy jarroo ga dy bione dooin Creest ayns yn eill, foast cha nhione dooin eh myr shoh ny‐sodjey.

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle: