Galatianee 2:4 - Yn Conaant Noa 1810

⁴ As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Yn Vible Casherick 1775 1819

⁴ As shen kyndagh rish braaraghyn foalsey v’er nyn goyrt lhieu gyn-yss ny-vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 2:4 ပူးပေါင်းရင်းမြစ်များ

Noo Luke 5:38

Agh shegin da feeyn noa v’er ny chur ayns boteilyn noa; as t’ad ny neesht sauchey.

Jannoo 15:1

As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey‐chymmylt lurg cliaghtey Voses, cha vod shiu v’er ny sauail.

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir‐eiyrtee.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

2 Corinthianee 11:13

Son ta nyn lheid oc shoh ostyllyn foalsey, obbreeyn molteyragh goaill orroo hene cummey ostyllyn Chreest.

2 Corinthianee 11:17

Shen ny ta mee dy loayrt, cha vel mee dy loayrt eh lurg y Chiarn, agh myr veagh eh dy ommijagh ayns y daanys shoh dy voggyssagh.

2 Corinthianee 11:20

Son ta shiu fuilliaghtyn, my ta dooinney coyrt lesh shiu ayns bondiaght, my ta dooinney dy spooilley shiu, my ta dooinney goaill jiu, my ta dooinney troggal eh hene seose dy mooaralagh, my ta dooinney bwoalley shiu er yn eddin.

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

2 Corinthianee 3:17

Nish she’n Chiarn yn Spyrsyd shen: as raad ta Spyrryd y Chiarn, shen y raad ta reamys.

Galatianee 1:7

Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Galatianee 4:25

Son ta Agar shoh cronk Sinai ayns Arabia, as ta gansoor gys Jerusalem ta nish ayn, as t’ee ayns bondiaght marish e cloan.

Galatianee 4:3

Er yn aght cheddin, tra va shin nyn gloan, va shin ayns bondiaght fo oardaghyn y theihll:

Galatianee 5:1

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

Galatianee 5:10

Ta my varrant erriu ayns y Chiarn, nagh bee shiu jeh aigney erbee elley: agh nee eshyn ta dy voirey shiu, e cherraghey y ymmyrkey, quoi‐erbee eh.

2 Timothy 3:6

Son jeh’n sorch shoh t’adsyn ta dy steetagh goll stiagh ayns thieyn, as leeideil ayns cappeeys mraane eddrym laadit lesh peccaghyn, er nyn goyrt lhieu ersooyl lesh ymmodee yeearreeyn peccoil,

Jamys 1:25

Agh quoi‐erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

2 Peddyr 2:19

Choud’s t’ad gialdyn daue reamys, t’ad hene nyn sharvaantyn dy neu‐ghlennid: son liorishyn ta’n varriaght er ny gheddyn er dooinney, liorish yn er cheddin t’eh er ny choyrt lesh fo bondiaght.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.