Galatianee 2:20 - Yn Conaant Noa 1810

²⁰ Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Yn Vible Casherick 1775 1819

²⁰ Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey ’syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.

Galatianee 2:20 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 10:11

Mish y bochilley mie: ta’n bochilley mie cur e vioys son ny kirree.

Noo Ean 15:13

Graih smoo na shoh cha vel ec dooinney erbee, na dooinney dy scarrey rish e vioys son e chaarjyn.

Noo Ean 17:21

Dy vod ad ooilley ve unnane, myr t’ou uss ayr aynym’s, as mish aynyd’s; dy vod adsyn myrgeddin ve unnane ayninyn: dy vod y seihll credjal dy ren oo my choyrt.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Noo Ean 6:57

Myr ta’n Ayr bio er my choyrt’s, as ta mee bio liorish yn Ayr: myr shen neesht vees eshyn ta dy my ee’s, bio liorym.

Noo Ean 6:69

As ta shin credjal, as shickyr jeh dy nee uss yn Creest, Mac y Jee bio.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer cairagh bio liorish credjue.

Romanee 14:7

Son cha vel veg j’in bio da hene, as cha vel dooinney erbee geddyn baase da hene.

Romanee 3:22

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee:

Romanee 4:25

Eh va er ny livrey son nyn loghtyn, as va troggit reesht dy heyrey shin.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Romanee 5:6

Son choud as va shin foast annoon, ayns traa cooie duillee Creest baase son ny mee‐chrauee.

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Romanee 6:8

Nish my ta shin marroo mârish Creest, ta shin credjal dy bee mayd myrgeddin bio marish:

Romanee 8:10

As my ta Creest ayndiu, ta’n corp marroo, kyndagh rish peccah; agh ta’n spyrryd bea, liorish cairys.

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

1 Corinthianee 6:17

Agh eshyn ta lhiantyn gys y Chiarn, t’eh un spyrryd.

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

2 Corinthianee 10:3

Son ga dy vel shin gimmeeaght ayns yn eill, cha vel shin caggey lurg yn eill:

2 Corinthianee 11:10

Myr ta firrinys Chreest aynym, cha jean dooinney erbee m’y lhiettal veih’n voggyssagh shoh ayns ardjyn Achaia.

2 Corinthianee 13:3

Fakin dy vel shiu shirrey prowal jeh Creest loayrt aynym’s eshyn nagh vel annoon hiuish, agh t’eh niartal ayndiu.

2 Corinthianee 13:5

Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

2 Corinthianee 5:14

Son ta graih Chreest dy êginaghey shin, er‐y‐fa dy nee myr shoh ta shin briwnys, my hooar un er baase son ooilley, eisht dy row ooilley marroo [ayns peccah:]

2 Corinthianee 5:15

As dy dooar eh baase son ooilley, nagh beagh adsyn ta bio, maghey shoh bio daue hene, agh dasyn hooar baase er nyn son, as dirree reesht.

2 Corinthianee 5:7

(Son ta shin gimmeeaght liorish credjue, cha nee liorish shilley sooilley.)

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 2:16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v’er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Galatianee 3:11

Agh nagh vel dooinney erbee er ny heyrey ayns shilley Yee liorish y leigh, te plain: son, Liorish credjue bee’n dooinney cairal bio.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Ephesianee 5:25

Gheiney‐poost, cur‐jee graih da ny mraane eu, dy jarroo myr hug Creest myrgeddin graih da’n agglish, as hug eh hene er e son:

Philippianee 1:21

Son dooys dy ve bio te [son] Creest, as dy gheddyn baase te cosney.

Philippianee 4:13

Foddym dy chooilley nhee y yannoo trooid Creest ta dy my niartaghey.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 5:10

Hur baase er nyn son, edyr shin ve dooisht ny nyn gadley, dy vod shin ve bio cooidjagh mârishyn.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 8:3

Son ta dy chooilley ard‐saggyrt er ny oardaghey dy hebbal giootyn as ourallyn: shen‐y‐fa ve ymmyrchagh dy beagh red ennagh ec y dooinney shoh myrgeddin dy hebbal.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 4:14

As ta shin er vakin, as ta shin gymmyrkey feanish dy vel yn Ayr er choyrt yn Mac dy ve Saualtagh y theihll.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 3:20

Cur‐my‐ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, higym stiagh huggey, as nee’m shibber y ghoaill mârish, as eshyn mârym’s.