Galatianee 2:14 - Yn Conaant Noa 1810

¹⁴ Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Yn Vible Casherick 1775 1819

¹⁴ Agh tra honnick mee nagh row ad gymmyrkey ad-hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo-hene myr ny Ashoonee, as cha nee myr ny Hewnyn, cre’n-fa t’ou uss gêginaghey ny Ashoonee dy vaghey myr ny Hewnyn?

Galatianee 2:14 ပူးပေါင်းရင်းမြစ်များ

Jannoo 10:28

As dooyrt eh roo, ta fys eu dy nee red neu‐lowal eh son dooinney ta ny Hew, dy reayll sheshaght rish, ny dy heet gys unnane erbee jeh ashoon elley: agh ta Jee er hoilshaghey dooys, nagh lhisin jeeaghyn er dooinney erbee dy ve cadjin ny neu‐ghlen.

Jannoo 15:1

As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey‐chymmylt lurg cliaghtey Voses, cha vod shiu v’er ny sauail.

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Jannoo 15:5

As hrog seose shiartanse jeh ny Phariseeyn v’er jyndaa gys y chredjue, as dooyrt ad, Dy row eh ymmyrchagh ad y ghiarey‐chymmylt, as ad ve sarit dy reayll leigh Voses.

Romanee 14:14

Ta fys as shickyrys aym ayns y Chiarn Yeesey, nagh vel nhee erbee neu‐ghlen jeh hene; agh dasyn er‐lesh ta nhee erbee neu‐ghlen, da shoh te neu‐ghlen.

Galatianee 1:18

Eisht lurg three bleeaney hie mee seose gys Jerusalem, dy akin Peddyr, as duirree mee mârish queig laa yeig.

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Galatianee 2:3

Agh cha row Titus hene, va mârym, ga ny Ghreek, êginit dy ve er ny ghiarey‐chymmylt.

Galatianee 2:5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

Galatianee 2:7

Agh er y cheu elley, tra honnick ad dy row sushtal yn anghiarey‐chymmylt er ny choyrt er my churrym’s, myr va shen jeh’n ghiarey‐chymmylt gys Peddyr;

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Galatianee 6:12

Whilleen as ta shirrey dy hoilshaghey ad hene er cheumooie liorish cowrey ny foalley, t’ad gêginaghey shiu dy ve er ny ghiarey‐chymmylt; ny lomarcan son nagh jinnagh ad surranse tranlaase er coontey crosh Chreest.

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Timothy 5:20

Cur oghsan dauesyn ta cur rish peccah kiongoyrt rish ooilley, dy vod feallagh elley myrgeddin aggle y ghoaill.

Hebrewnee 12:13

As jean‐jee raaidyn rea son nyn gassyn, er‐aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.