Galatianee 2:13 - Yn Conaant Noa 1810

¹³ As ren ny Hewnyn elley foalsaght myrgeddin mârishyn; ayns wheesh dy row Barnabas hene fo shaghrynys, kyndagh rish y volteyrys oc.

Yn Vible Casherick 1775 1819

¹³ As ren ny Hewnyn elley foalsaght myrgeddin mârishyn; ayns wheesh dy row Barnabas hene fo shaghrynys, kyndagh rish y volteyrys oc.

Galatianee 2:13 ပူးပေါင်းရင်းမြစ်များ

Noo Mian 23:28

Shen myr ta shiuish neesht er cheu‐mooie cairagh ayns shilley deiney, agh cheu‐sthie ta shiu lane dy chraueeaght‐oalsey as dy vee‐chairys.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

1 Corinthianee 12:2

Ta fys eu dy row shiu nyn Ashoonyn‐quaagh, er nyn goyrt lhieu ersooyl gys ny jallooyn balloo shoh, dy jarroo myr va shiu er nyn leeideil.

1 Corinthianee 15:33

Ny bee‐jee mollit; ta drogh heshaght cur mow ellyn mie.

1 Corinthianee 5:6

Cha vel y boggyssagh euish mie: Nagh vel fys eu dy vel red beg dy hoorid sooraghey yn slane theayst?

1 Corinthianee 8:9

Agh cur‐jee twoaie er‐aggle liorish aght erbee dy bee shoh nyn reayms oyr dauesyn ta annoon dy huittym ayns peccah.

Galatianee 2:1

Eisht kiare bleeaney jeig ny lurg shen, hie mee seose reesht gys Jerusalem, marish Barnabas, as ghow mee Titus myrgeddin mârym.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.