Galatianee 2:12 - Yn Conaant Noa 1810

¹² Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh hene voue, ayns aggle rouesyn jeh’n giarey‐chymmylt.

Yn Vible Casherick 1775 1819

¹² Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh-hene voue, ayns aggle rouesyn jeh’n ghiarey-chymmylt.

Galatianee 2:12 ပူးပေါင်းရင်းမြစ်များ

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 5:38

Agh shegin da feeyn noa v’er ny chur ayns boteilyn noa; as t’ad ny neesht sauchey.

Jannoo 10:28

As dooyrt eh roo, ta fys eu dy nee red neu‐lowal eh son dooinney ta ny Hew, dy reayll sheshaght rish, ny dy heet gys unnane erbee jeh ashoon elley: agh ta Jee er hoilshaghey dooys, nagh lhisin jeeaghyn er dooinney erbee dy ve cadjin ny neu‐ghlen.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

1 Thessalonianee 5:22

Freill‐jee shiu hene veih dy chooilley chaslys dy olkys.