Galatianee 1:7 - Yn Conaant Noa 1810

⁷ Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Yn Vible Casherick 1775 1819

⁷ Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Galatianee 1:7 ပူးပေါင်းရင်းမြစ်များ

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Jannoo 13:10

As dooyrt eh, O uss ta lane jeh dy chooilley chialgeyrys as dy olkys, vac noid ny hanmey, noid dy chooilley chairys, nagh naag oo jeh dy chassey raaidyn jeeragh y Chiarn?

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir‐eiyrtee.

2 Corinthianee 11:13

Son ta nyn lheid oc shoh ostyllyn foalsey, obbreeyn molteyragh goaill orroo hene cummey ostyllyn Chreest.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 4:17

T’ad goaill orroo dy vel kenjallys jeean oc diu, agh cha nee ass aigney‐mie; dy jarroo, baillhieu shinyn y yeigh magh, dy gheddyn shiu daue hene.

Galatianee 5:10

Ta my varrant erriu ayns y Chiarn, nagh bee shiu jeh aigney erbee elley: agh nee eshyn ta dy voirey shiu, e cherraghey y ymmyrkey, quoi‐erbee eh.

Galatianee 5:12

Baill‐ym dy beagh ad eer giarit magh ta dy voirey shiu.

Galatianee 6:17

Maghey shoh ny lhig da dooinney erbee mish y voirey, son ta mee gymmyrkey ayns my chorp cowraghyn y Chiarn Yeesey.

2 Timothy 2:18

Ta er n’gholl er‐shaghryn veih’n irriney, gra, Dy vel yn irree seose‐reesht veih ny merriu hannah harrish; as [liorish shoh] lhaggaghey credjue paart dy leih.

1 Ean 2:26

Ny reddyn shoh ta mee er scrieu hiu, mychione ocsyn ta cleayney shiu.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

2 Ean 1:10

My hig fer erbee hiu, as nagh vel cur lesh mârish yn ynsagh shoh, ny cur‐jee room thie da, chamoo bannee‐jee da.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 19:20

As va’n veisht goit, as marish yn phadeyr foalsey va gobbraghey mirrillyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny‐neesht ceaut bio ayns logh dy aile lostey lesh brimstone.

Ashlish 2:2

Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.

Ashlish 2:20

Ny‐yeih, ta reddyn ennagh aym dy choyrt dty lieh, er‐y‐fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

Ashlish 2:6

Agh ta’n goo shoh ayd, dy vel dwoaie ayd er obbraghyn ny Nicolaitanee, orroo ta dwoaie aym’s myrgeddin.

Ashlish 20:3

As hilg eh eh ayns y diunid gyn‐grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.