Galatianee 1:4 - Yn Conaant Noa 1810

⁴ Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Yn Vible Casherick 1775 1819

⁴ Ren eh-hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 1:4 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 26:28

Son shoh my uill’s jeh’n conaant noa, t’er ny gheayrtey son ymmodee son leih peccaghyn.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Noo Mian 6:9

Shen‐y‐fa er yn aght shoh gow‐jee padjer: Ayr ain t’ayns niau, Casherick dy row dty ennym.

Noo Mark 10:45

Son cha daink yn eer Mac dooinney dy ve shirveishit, agh dy hirveish, as dy chur e vioys ny lhiassaghey son ymmodee.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Noo Luke 22:42

Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Noo Ean 10:11

Mish y bochilley mie: ta’n bochilley mie cur e vioys son ny kirree.

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 5:30

Cha voddym jee’m pene nhee erbee y yannoo: myr ta mee clashtyn, ta mee briwnys: as ta my vriwnys cairagh, er‐yn‐oyr nagh vel mee shirrey my aigney hene, agh aigney yn Ayr t’er my choyrt.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 4:25

Eh va er ny livrey son nyn loghtyn, as va troggit reesht dy heyrey shin.

Romanee 8:27

As ta fys echeysyn ta ronsaghey yn cree, cre ta aigney yn Spyrryd, er‐yn‐oyr dy veh eh jannoo accan ayns lieh ny nooghyn cordail rish aigney Yee.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Ephesianee 1:11

Ayn myrgeddin ta shin er gheddyn eiraght, myr va shin pointit ro‐laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 5:16

Jannoo ymmyd mie jeh’n traa, er‐yn‐oyr dy vel laghyn seaghnagh ayn.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Philippianee 4:20

Nish gys Jee as nyn Ayr dy row gloyr son dy bragh as dy bragh. Amen.

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Thessalonianee 3:11

Nish dy jean Jee hene as nyn Ayr, as nyn Jiarn Yeesey Creest, yn raad ain y chiartaghey hiuish.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 2:5

Son cha vel eh er choyrt fo reill ainleyn yn seihll ta ry heet, my‐e‐chione ta shin loayrt.

Hebrewnee 6:5

As er vlashtyn goo mie Yee, as pooaraghyn y theihll ta ry‐heet;

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: