Ephesianee 6:8 - Yn Conaant Noa 1810

⁸ Toiggal shoh, mie erbee dy vel dooinney dy yannoo, lheid cheddin yiow eh veih’n Chiarn, edyr eh ve sharvaant ny seyr.

Yn Vible Casherick 1775 1819

⁸ Toiggal shoh, mie erbee dy vel dooinney dy yannoo, lheid cheddin yiow eh veih’n Chiarn, edyr eh ve sharvaant ny seyr.

Ephesianee 6:8 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 20:7

Dooyrt adsyn rish, Er‐yn‐oyr nagh vel dooinney erbee er vailley shin. Dooyrt eshyn roo, Immee‐jee shiuish myrgeddin gys y gharey‐feeney, as yiow shiu cre‐erbee ta cair.

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mian 6:4

Dy vod dty yeirk ve follit: as nee dty Ayr ta fakin ny ta jeant dy follit, dty leagh y chur dhyt dy foshlit.

Noo Luke 14:14

As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn‐quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

2 Corinthianee 5:10

Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh: son ta shiu ooilley unnane ayns Creest Yeesey.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.

Colossianee 3:24

Toiggal, dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

Colossianee 3:25

Agh eshyn ta jannoo aggair, bee eh cooilleenit son yn aggair t’eh er n’yannoo: as cha vel Jee jannoo soiagh jeh persoonyn.

Hebrewnee 10:35

Ny lhig‐jee veue, er‐y‐fa shen, yn dunnallys eu, ny gour ta leagh mooar dy chooilleeney.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.