Ephesianee 6:6 - Yn Conaant Noa 1810

⁶ Cha nee lesh shirveish‐sooilley, myr dy wooiys deiney, agh myr sharvaantyn Chreest, jannoo aigney Yee veih nyn gree;

Yn Vible Casherick 1775 1819

⁶ Cha nee lesh shirveish-sooilley, myr dy wooiys deiney, agh myr sharvaantyn Chreest, jannoo aigney Yee veih nyn gree;

Ephesianee 6:6 ပူးပေါင်းရင်းမြစ်များ

Noo Mian 12:50

Son quoi‐erbee nee aigney my Ayrey t’ayns niau, eh shen my vraar, as my huyr as my voir.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Mark 3:35

Son quoi‐erbee nee aigney Yee, she eshyn my vraar, as my huyr, as my voir.

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

1 Corinthianee 7:22

Son eshyn ta er ny eam ayns y Chiarn, as eh ny harvaant, t’eh ayns seyrsnys y Chiarn: myrgeddin eshyn ta er ny eam, as eh ayns seyrsnys, t’eh sharvaant Chreest.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Ephesianee 5:17

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Philippianee 2:12

Shen‐y‐fa, my chaarjyn, myr ta shiu dy kinjagh er ve biallagh, cha nee myr ayns my enish ny‐lomarcan, agh nish foddey smoo myr ta mee veue; obbyr‐jee magh nyn saualtys hene lesh aggle as atchim.

Colossianee 1:9

Er yn oyr shoh cha vel shinyn myrgeddin, er‐dyn la cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 2:4

Agh myr va shin lowit liorish Jee currym y tushtal dy ve orrin, dy jarroo myr shoh ta shin loayrt, cha nee shirrey deiney y wooiys, agh Jee, ta trial nyn greeaghyn.

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

Hebrewnee 10:36

Son te ymmyrchagh diu dy chummal rish dy surransagh; lurg diu v’er n’yannoo aigney Yee, dy vod shiu yn gialdyn y gheddyn.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

1 Peddyr 2:15

Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

1 Ean 2:17

As ta’n seihll goll shaghey, as y taynt ain huggey: agh eshyn ta jannoo aigney Yee, vees er‐mayrn son dy bragh.