Ephesianee 6:19 - Yn Conaant Noa 1810

¹⁹ As er my hon’s er‐lheh, dy vod glare ve er ny choyrt dou, dy voddym fosley my veeal dy dunnal, dy hoilshaghey folliaght y tushtal;

Yn Vible Casherick 1775 1819

¹⁹ As er my hon’s er-lheh, dy vod glare ve er ny choyrt dou, dy voddym fosley my veeal dy dunnal, dy hoilshaghey folliaght y tushtal;

Ephesianee 6:19 ပူးပေါင်းရင်းမြစ်များ

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu‐feeu jeh’n vea veayn, cur‐my‐ner ta shinyn chyndaa gys ny Ashoonee.

Jannoo 14:3

Ry‐foddey dy earish er‐y‐fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 18:26

As ren eh toshiaght dy loayrt lesh dunnallys ayns y synagogue. Agh tra va Aquila as Priscilla er chlashtyn eh, ghow ad stiagh eh, as hug ad ynsaghey sodjey as s’diuney da ayns raad Yee.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.

Jannoo 4:13

Nish tra hug ad my‐ner dunnallys Pheddyr as Ean, as hoig ad nagh row ad agh deiney boght gyn‐ynsagh, va yindys orroo, as hooar ad magh neesht dy row ad jeh fir‐eiyrtee Yeesey.

Jannoo 4:29

As nish, Hiarn, cur‐my‐ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh,

Jannoo 4:31

As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 9:27

Agh ghow Barnabas eh, as hug eh lesh eh gys ny ostyllyn, as hoilshee eh daue, kys v’eh er vakin y Chiarn er y raad, as dy row eh er loayrt rish, as kys v’eh er phreacheil dy dunnal as dy foshlit ec Damascus ayns ennym Yeesey.

Jannoo 9:29

As loayr eh lesh dunallys ayns ennym y Chiarn Yeesey, as ren eh pleadeil rish ny Grecianee: agh ghow adsyn ayns laue dy varroo eh.

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

1 Corinthianee 1:5

Son dy vel shiuish ayns dy chooilley nhee dy palchey er nyn yannoo magh liorishyn ayns dy chooilley ghlare, as ayns dy chooilley hushtey;

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

1 Corinthianee 4:1

Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

2 Corinthianee 1:11

Shiuish myrgeddin coyrt nyn gooney cooidjagh lesh padjeryn er nyn son, dy vod booise v’er ny choyrt liorish ymmodee son y bannaght hie er stowal orrin er graih ymmodee persoonyn.

2 Corinthianee 3:12

Fakin eisht dy vel ain lheid y treishteil, ta shin goaill orrin dy loayrt lesh slane reamys.

2 Corinthianee 6:11

O shiuish Chorinthianee, ta’n beeal ain er ny osley [ayns graih] hiuish, ta’n cree ain er ny heeyney magh erriu.

2 Corinthianee 7:4

S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

2 Corinthianee 8:7

Shen‐y‐fa myr ta shiu jeant magh ayns dy chooilley nhee, ayns credjue, ayns goan, as tushtey, as ayns dy chooilley chiarail, as ayns nyn ghraih er nyn son; jeeagh‐jee dy jean shiu bishaghey ayns y grayse shoh myrgeddin.

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Ephesianee 3:9

As dy hoilshaghey dy foshlit da dy chooilley ghooinney, cre ta commeeys y folliaght ta er ve er dy hoshiaght y theihll keillit ayns Jee, ren dy chooilley nhee y chroo liorish Yeesey Creest:

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Colossianee 4:3

Marish shoh, goaill padjer myrgeddin er nyn son ainyn, dy jinnagh Jee fosley dooin dorrys dy ghlare vreeoil, dy loayrt folliaght Chreest, er y hon ta mish myrgeddin ayns geulaghyn:

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.

1 Thessalonianee 5:25

Vraaraghyn, gow‐jee padjer er nyn son.

2 Thessalonianee 3:1

Ny sodjey, vraaraghyn, gow‐jee padjer er nyn son, dy vod goo’n Chiarn roie dyn lhiettal, as ve er ny ghloyraghey dy jarroo myr te nyn mast’ euish;

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Philemon 1:22

Agh marish shoh kiare aaght er my hon: son ta mee treishteil liorish ny padjeryn eu, trooid foayr Yee, dy jig‐ym hiu reesht.

Hebrewnee 13:18

Guee‐jee er nyn son: son ta shin treishteil dy vel cooinsheanse vie ain, ayns dy chooilley nhee shirrey dy veaghey dy onneragh.