Ephesianee 6:12 - Yn Conaant Noa 1810

¹² Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Yn Vible Casherick 1775 1819

¹² Son cha vel shin gleck noi feill as fuill, agh noi ard-reiltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er-nyn-skyn.

Ephesianee 6:12 ပူးပေါင်းရင်းမြစ်များ

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu‐vessoil.

Noo Luke 13:24

Streeu‐jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Noo Luke 22:53

Tra va mee mêriu gagh laa ayns y chiamble, cha heeyn shiu magh laue m’oï: agh shoh yn oor eu, as pooar y dorraghys.

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 14:30

Veih shoh magh cha loayr‐ym cooidvooar riu: son ta prince y theihll shoh cheet, as cha vel nhee erbee echey aynym’s.

Noo Ean 16:11

Mychione briwnys, son dy vel prince y theihll shoh er ny vriwnys.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 8:38

Son ta slane shickyrys aym, nagh bee edyr baase, ny bioys, ny ainleyn, ny ard‐reilltee, ny pooaraghyn seihltagh, ny reddyn ta nish ayn, ny reddyn ta ry heet,

1 Corinthianee 15:50

Nish shoh ta mee dy ghra, vraaraghyn, nagh vod feill as fuill eiraght y gheddyn ayns reeriaght Yee; chammoo nee neu‐ghlennid gheddyn glennid ayns eiraght.

2 Corinthianee 11:14

As cha nee yindys erbee eh; son ta Satan hene goaill er cummey ainle dy hoilshey.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Galatianee 1:16

Dy hoilshaghey e Vac aynym’s, dy voddin eshyn y phreacheil mastey ny Ashoonyn; chelleeragh cha ghow mee coyrle jeh feill ny fuill:

Ephesianee 1:21

Foddey erskyn dy chooilley ard‐ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry‐heet:

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 3:10

Dy voddagh nish v’er ny hoilshaghey da ny ard‐reillyn as pooaraghyn ayns ynnydyn flaunyssagh liorish yn agglish ymmodee filley creenaght Yee,

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

Colossianee 2:15

As spooilley ard‐reillyn as pooaraghyn, ren eh shilley foshlit jeu, geddyn barriaght harrystoo liorish [y chrosh.]

2 Timothy 2:5

As my ta dooinney erbee myrgeddin gleck son y varriaght, cha vel eh ny‐yeih dy gheddyn yn attey, mannagh vel eh gleck dy lowal.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Hebrewnee 12:4

Cha vel shiu er chummal rish gys deayrtey foalley, gleck noi peccah.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.